| e-texts navigator |
| བོད་ཡིག |
57b1 ba ma bskyed pa'i sems can rnams la byang chub kyi sems mi skye'o/ /'phags pa blo gros rgya mtshos zhus pa/ bam po bzhi pa/ shA ra dwa ti'i bu/ 'di lta ste/ dper na/ bu ram shing
57b2 gi sa bon med par sha kha ra mi 'byung ngo / /shA ra dwa ti'i bu/ de bzhin du byang chub sems dpa' yang byang chub kyi sems kyi sa bon med par bla na med pa yang dag par rdzogs pa'i
57b3 byang chub mi 'grub bo/ /shA ra dwa ti'i bu/ 'di lta ste/ dper na/ sman gyi rgyal po 'tsho byed kyis gang sman du mi mthong ba'i gzugs su snang ba de gang yang med do/ /shA ra dwa ti'i bu/
57b4 de bzhin du shes rab kyi pha rol tu phyin pa la spyod pa'i byang chub sems dpas kyang gang byang chub tu mi mthong ba'i chos su snang ba de gang yang med do/ /shA ra dwa ti'i bu/ 'di lta ste/ dper
57b5 na| lha ma yin gyi dbang po sgra gcan gyis nyi ma dang zla ba'i gzhal med khang gi lam gyi rim pa rgyun gcod par mi nus so/ /shA ra dwa ti'i bu/ de bzhin du bdud thams cad kyis byang chub
57b6 sems dpa' brtson 'grus brtsams pa'i byang chub kyi lam kun tu gcod par mi nus so/ /shA ra dwa ti'i bu/ 'di lta ste/ dper na/ gzugs na spyod pa'i lha'i bu rnams ni/ nam mkha'
57b7 la gzhal med khang na gnas so/ /shA ra dwa ti'i bu/ de bzhin du zab mo la spyod pa'i byang chub sems dpa' rnams la'ang chos thams cad nam mkha' dang mtshungs pa bla na med pa
iiif viewer powered by OpenSeadragon
Texts on this page
H153 - 'phags pa blo gros rgya mtshos zhus pa zhes bya ba'i theg pa chen po'i mdo