| e-texts navigator |
| བོད་ཡིག |
23b1 ji ltar na thabs la mkhas pa'i byang chub sems dpa'i lus gcod pa na pha rol tu phyin pa drug sgom pa yongs su rdzogs par 'gyur zhe na/ gang lus 'dor ba dang / lus yongs
23b2 su gtong ba dang / lus la mi lta ba 'di ni/ de'i sbyin pa'i pha rol tu phyin pa'o/ /gang lus gcod pa na sems can thams cad la byams pas khyab par byed pa dang / tshor ba
23b3 rnams kyis mi 'phrog pa 'di ni/ de'i tshul khrims kyi pha rol tu phyin pa'o/ /gang lus yongs su gcod pa na gang dag de'i lus gcod pa de dag nyid rab tu thar bar bya ba'i phyir
23b4 bzod cing sems kyi rma mi phyin te bzod pa'i stobs nye bar ston pa 'di ni/ de'i bzod pa'i pha rol tu phyin pa'o/ /brtson 'grus gang gis thams cad mkhyen pa nyid la 'dun pa mi
23b5 'dor zhing sems kyi stobs bskyed pa'ang rab tu 'dzin la 'khor ba nyid du mtshams kyang sbyor zhing dge ba'i rtsa ba brtsam pa'ang rtsom pa 'di ni/ de'i brtson 'grus kyi pha rol
23b6 tu phyin pa'o/ /gang lus rnam par 'thor ba na thams cad mkhyen par sems bskyed pa rin po che de mi brjed cing byang chub nyid la lta ba dang / zhi ba dang / rab tu zhi ba la so sor
23b7 rtog pa 'di ni/ de'i bsam gtan gyi pha rol tu phyin pa'o/ /gang lus gcod pa na lus la rtswa dang / rtsig pa dang / shing dang / rdo dang / mig yor lta bur so sor rtog cing lus la
iiif viewer powered by OpenSeadragon
Texts on this page
H153 - 'phags pa blo gros rgya mtshos zhus pa zhes bya ba'i theg pa chen po'i mdo