| e-texts navigator |
| བོད་ཡིག |
130a1 bar bor nas snying rje chen po dang bral te zhi ba zhi ba'i ting nge 'dzin la reg nas gnas ma yin zhing go skabs med de/ gang brgyad pa la 'bras bu ma thob
130a2 par ldang ba de ni/ gnas med do/ /de ci'i phyir zhe na/ nyan thos ni/ bsod nams dang / ye shes kyi tshogs ma bsags pa'i phyir ro/ /byang chub sems dpa' ni/ bsod nams dang /
130a3 ye shes kyi tshogs tshad med pa bsags pa ste/ de ni/ sangs rgyas kyi chos thams cad yongs su ma rdzogs kyi bar du bar skabs su yang dag pa'i mtha' mngon sum du mi byed do//
130a4 blo gros rgya mtsho/ de lta bas na/ byang chub sems dpas stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma
130a5 byung ba'i chos thams cad la me 'bar ba lta bu'i 'du shes bskyed la chos de dag la'ang so sor brtag par bya/ chos de dag shes pa la'ang rnam par dpyad par bya zhing yang
130a6 dag pa'i mtha' yang mngon sum du mi bya'o/ /blo gros rgya mtsho/ de lta bas na/ byang chub sems dpa' yongs su bsngo ba la mkhas par bya'o/ /blo gros rgya mtsho/ yongs su bsngo
130a7 ba la mkhas pa'i byang chub sems dpa' ni/ chos zab mo rnams la'ang spyod la bar skabs su yang dag pa'i mtha' mngon sum du mi byed do/ /blo gros rgya mtsho/ yongs su bsngo ba
iiif viewer powered by OpenSeadragon
Texts on this page
H153 - 'phags pa blo gros rgya mtshos zhus pa zhes bya ba'i theg pa chen po'i mdo