| e-texts navigator |
| བོད་ཡིག |
120b1 thams cad mnyam pa nyid kyi phyag rgyas btab pa'o/ /blo gros rgya mtsho/ phyag rgya'i tshig de dag ni/ phyag rgya'i tshig gang dag gis 'das pa dang / ma 'ongs pa dang / da ltar byung ba'i sangs
120b2 rgyas bcom ldan 'das rnams kyi byang chub phyag rgyas btab pa ste/ phyag rgya'i tshig de dag gis chos kyi phung po brgyad khri bzhi stong phyag rgyas btab pa'o/ /blo gros rgya mtsho/ byang chub
120b3 sems dpa' phyag rgya de lta bus btab na/ de bzhin gshegs pa'i ye shes kyi phyag rgyar yang dag par 'dus te myur du mi skye ba'i chos la bzod pa rab tu 'thob pa'o/ /blo gros rgya
120b4 mtsho| phyag rgya'i tshig de dag ni/ dge ba'i rtsa ba ma bskyed pa'i sems can rnams kyi rna lam du grag par mi 'gyur ro/ /'dis bdud kyi las thams cad tshar gcod do/ /blo gros rgya mtsho/
120b5 chos thams cad yang dag par 'du ba mi zad pa'i za ma tog gi gzungs gang yin pa de'ang phyag rgya'i tshig 'di nyid du 'du ste rjes su zhugs so/ /blo gros rgya mtsho/ ting nge 'dzin brgyad khri bzhi
120b6 stong dang / sems can gyi spyod pa la 'jug pa'i pha rol tu phyin pa brgyad khri bzhi stong gang yin pa de dag kyang phyag rgya'i tshig 'di nyid du 'du ste rjes su zhugs so/ /blo gros rgya mtsho/ de la rdo
120b7 rje'i tshig de dag gang zhe na/ 'di lta ste/ rang bzhin gyis 'dres pa med pa'i phyir 'jig tshogs ni/ rdo rje'i tshig ste/ rdo rje'i tshig 'di ni/ lta ba thams cad nges par rtogs par 'gyur ba'o/ /rig
iiif viewer powered by OpenSeadragon
Texts on this page
H153 - 'phags pa blo gros rgya mtshos zhus pa zhes bya ba'i theg pa chen po'i mdo