rKTs

e-texts navigator

Volume

Page

141a₁ sangs rgyas kyi gsung ni/ cha phra zhing zab pa yin no/ /gsol pa/ 'di na rgyal po la la zhig 'di skad ces mchi ste/ ji ltar na/ dge slong mi'i chos las bla
141a₂ mar gyur pa'i nyes pa byung ba zhes bgyi zhes mchi ba la lan gdab 'tshal lags so/ /bka' stsal pa/ 'di na dge slong rnyed pa dang bkur sti'i phyir ram/ zang zing gi phyir
141a₃ tshul 'chos pa dang / kha gsag byed pa yod de/ ji ltar byas na/ bdag bsod snyoms pa yin par gzhan dag gis shes par 'gyur zhig gu/ de ltar byas dang rnyed pa thob
141a₄ par 'gyur ro/ /snyam ste/ bsngags pa 'dod pa rmongs pa'i rang bzhin can du gyur pas bdag gis 'bras bu ma thob par bdag gis 'bras bu thob par gzhan gyis shes
141a₅ par bya'o/ /bdag rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin par gzhan dag gis shes par bya'o/ /dge bsnyen mdun na
141a₆ 'khod pa rnams kyang skye bo thams cad kyis bdag de lta bu yin par shes par 'gyur ba'i tshig smrar gzhug go/ /snyam nas chos thob par bya ba'i phyir ma yin par yid la
141a₇ byed pa de lta bu rnyed pa dang / bkur sti dang / bla ma'i mchod pa dang / phyag bya ba dang / zang zing gi phyir dgra bcom pa 'dra bar phan tshun lta ba'i thabs dang / mig 'dzum pa

_{iiif viewer powered by OpenSeadragon}

140b - 141b

Texts on this page