rKTs

e-texts navigator

Volume

Page

109b₁ ci'i phyir zhe na/ de bzhin gshegs pa gang yin pa de ni/ thar pa'o/ /thar pa gang yin pa de ni/ de bzhin gshegs pa ste/ 'di la gnyis su byar med cing tha dad par byar med
109b₂ do/ /rigs kyi bu/ dper na/ dpe med bzhin du rgyu'i don gyis dper len pa'ang yod de/ kye ma bzhin bzang / khyod zla ba na bzhin zhes bya ba dang / glang po che bzang khyad gang kyi ri
109b₃ bzhin zhes bya mod kyi/ ci zla ba bzhin dang 'dra'am/ bzhin yang zla ba dang 'dra'am/ ci glang po che ri dang 'dra'am/ ri'ang glang po che dang 'dra'am/ rigs kyi bu/ de bzhin du thar
109b₄ pa'ang dpe med bzhin du sems can nges par bsgral ba'i phyir 'dir rgyu'i dbang gis dpes bstan par rig par bya'o/ /chos kyi de kho na nyid kyang rgyu'i dbang gis chos kyi de kho na nyid
109b₅ du rig par bya'o/ /gsol ba/ ci'i slad du de bzhin gshegs pa rnams pa gnyis su ston lags/ bka' stsal pa/ rigs kyi bu/ gzhan yang dper na/ mi la la zhig ral gri
109b₆ thogs nas ngas de bzhin gshegs pa dgra bcom pa yang dag par rdzogs pa'i sangs rgyas gsad do/ /snyam ste gsod par byed la/ de bzhin gshegs pa ni/ log pa cung zad
109b₇ kyang mi mdzad de/ zhum pa med cing dgyes bzhin du bzhugs na/ ci mi de mtshams med pa byed pa zhes bya'am/ 'on te mi bya/ gsol ba/ dngos po'i sgo nas mtshams med pa

_{iiif viewer powered by OpenSeadragon}

109a - 110a

Texts on this page