| e-texts navigator |
| བོད་ཡིག |
92a1 mi slob/ tshor ba dang / 'du shes dang / 'du byed rnams dang / rnam par shes pa 'du ba dang mi 'du ba'i phyir yang mi slob/ gzugs las 'da' ba dang / 'jug
92a2 pa dang / gnas pa dang / mi gnas pa'i phyir yang mi slob/ tshor ba dang / 'du shes dang / 'du byed rnams dang / rnam par shes pa las 'da' ba dang / 'jug pa dang / gnas pa dang /
92a3 mi gnas pa'i phyir yang mi slob bo/ /rab kyi rtsal gyis rnam par gnon pa/ de ltar slob pa'i byang chub sems dpa' ni/ gzugs rtag par yang mi slob/ gzugs bde ba dang /
92a4 gzugs sdug pa dang / gzugs bdag tu'ang mi slob/ tshor ba dang / 'du shes dang / 'du byed rnams dang / rnam par shes pa rtag par yang mi slob/ rnam par shes pa bde ba dang /
92a5 rnam par shes pa sdug pa dang / rnam par shes pa bdag tu'ang mi slob bo/ /rab kyi rtsal gyis rnam par gnon pa/ de ltar slob pa'i byang chub sems dpa' ni/ gzugs 'das pa'i
92a6 dmigs pa la mi spyod/ gzugs ma 'ongs pa'i dmigs pa la mi spyod/ gzugs da ltar byung ba'i dmigs pa la mi spyod/ tshor ba dang / 'du shes dang / 'du byed rnams dang /
92a7 rnam par shes pa 'das pa'i dmigs pa la mi spyod/ ma 'ongs pa'i dmigs pa la mi spyod/ da ltar byung ba'i dmigs pa la mi spyod do/ /rab kyi rtsal gyis rnam par gnon pa/ de ltar
iiif viewer powered by OpenSeadragon
Texts on this page
H14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa