| e-texts navigator |
| བོད་ཡིག |
91a1 byung ba'i ye shes mthong ba khas mi len mi 'dzin to/ /thogs pa med pa'i ye shes mthong ba khas mi len mi 'dzin to/ /sangs rgyas kyi ye shes dang / stobs dang / mi
91a2 'jigs pa khas mi len mi 'dzin to/ /sgrib pa khas mi len mi 'dzin to/ /de ci'i phyir zhe na/ rab kyi rtsal gyis rnam par gnon pa/ chos thams cad khas len pa med cing 'dzin pa med de/
91a3 gang gis kyang khas blangs pa med pa'i phyir ro/ /rab kyi rtsal gyis rnam par gnon pa/ gzung bar bya ba'i chos gang yang med de/ sus kyang ma bzung ngo / /de ci'i phyir zhe na/ de la gzung bar
91a4 bya ba'am 'dzin par 'gyur ba ci yang med pa'i phyir ro/ /de ci'i phyir zhe na/ chos thams cad ni/ sgyu ma lta bu'i phyir snying po med pa'o/ /chos thams cad ni/ snying po mi dmigs pas ya ma
91a5 brla'o| |chos thams cad ni/ gzung du med pas mig yor dang mtshungs so/ /chos thams cad ni/ rang bzhin med pas gsog go /chos thams cad ni/ mi nye mi bzod pa'i phyir dbu brdos
91a6 pa lta bu'o/ /chos thams cad ni/ byung nas 'jig cing 'ju bas chu'i chu bur dang mtshungs so/ /chos thams cad ni/ phyin ci log las byung bas smig rgyu dang 'dra'o/ /chos thams cad ni/ snying
91a7 po med pas chu shing gi snying po lta bu'o/ /chos thams cad ni/ gzung du med pas chu zla dang mtshungs so/ /chos thams cad ni/ yod pa ma yin pa la yongs su brtags pas 'ja' tshon dang
iiif viewer powered by OpenSeadragon
Texts on this page
H14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa