| e-texts navigator |
| བོད་ཡིག |
86b1 pa 'di ni/ mi 'jigs pa'i sa lags so/ /rab kyi rtsal gyis rnam par gnon pa/ de ltar spyod pa'i byang chub sems dpa' dag ni/ bla na med pa yang dag par rdzogs pa'i byang chub mngon par rdzogs
86b2 par sangs ma rgyas kyang smon lam gyi dbang gis dang / sangs rgyas bcom ldan 'das rnams kyi byin gyi rlabs kyi dbang gis myur du mi 'jigs pa bzhi thob par 'gyur ro/ /rab kyi rtsal gyis
86b3 rnam par gnon pa/ nyan thos kyi theg pa can rnams dang / rang sangs rgyas kyi theg pa can rnams la mi 'jigs pa bzhi med de/ de dag la de bzhin gshegs pa yang mi 'jigs pa bzhi byin gyis
86b4 mi rlob bo/ /rab kyi rtsal gyis rnam par gnon pa/ smon lam gyi dbang gis gang gis mi 'jigs pa bzhi thob par 'gyur ba de ni/ byang chub sems dpa'i sa'o/ /de ci'i phyir zhe na/ rab kyi rtsal
86b5 gyis rnam par gnon pa/ shes rab kyi pha rol tu phyin pa la spyod pa'i byang chub sems dpa' dag ni/ so so yang dag bar rig pa bzhi thob par 'gyur ba'i phyir te/ bzhi gang zhe na/ 'di lta ste/
86b6 don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /so so yang dag par rig pa
86b7 'di bzhi dang ldan pa de dag mngon par rdzogs par sangs ma rgyas kyang smon lam gyi dbang gis mi 'jigs pa bzhi rab tu 'dzin to/ /de bzhin gshegs pas kyang de dag dge ba'i rtsa ba dang ldan par
iiif viewer powered by OpenSeadragon
Texts on this page
H14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa