| e-texts navigator |
| བོད་ཡིག |
65b1 bam po bzhi pa/ de nas tshe dang ldan pa shA ri'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor/ ston pa yang 'di na mngon sum du gyur/ 'khor 'di yang chos zab
65b2 mo bstan pa'i snod du gyur te/ tshe dang ldan pa rab 'byor/ 'khor 'di ni/ dag cing zab mo'i chos thos par 'dod na/ khyod ci'i phyir shes rab kyi pha rol tu phyin pa la brtsams te spobs par mi
65b3 byed par cang mi smra bar 'dug / de skad ces smras pa dang / tshe dang ldan pa rab 'byor gyis 'di skad ces smras so/ /tshe dang ldan pa shA ri'i bu /kho bos ni/ gang la brtsams te spobs par bya ba'i
65b4 chos de yang dag par rjes su mi mthong ngo / /tshe dang ldan pa shA ri'i bu/ kho bos ni/ shes rab kyi pha rol tu phyin pa yang dag par rjes su mi mthong / byang chub sems dpa' dang / spobs pa dang /
65b5 gang spobs par 'gyur ba dang / gang gis spobs par 'gyur ba dang / gang las spobs par 'gyur ba yang mi mthong ste/ tshe dang ldan pa shA ri'i bu/ kho bos de ltar shes rab kyi pha rol tu phyin
65b6 pa dang / byang chub sems dpa' sems dpa' chen po dang / gang spobs par 'gyur ba dang / gang gis spobs par 'gyur ba dang / gang las spobs par 'gyur ba dang / gang la spobs par
65b7 'gyur ba mi mthong na/ ji skad du bstan par bya/ kho bos gang la brtsams te spobs bar bya/ shA ri'i bu/ shes rab kyi pha rol tu phyin pa 'di ni/ tha snyad med pa/ smrar med pa/ brjod du med
iiif viewer powered by OpenSeadragon
Texts on this page
H14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa