| e-texts navigator |
| བོད་ཡིག |
20a1 'jig par byed pa yang med de/ de rnam par 'jig par byed pa de yang mi dmigs shing rlom sems su mi byed pa/ mngon par zhen pa de dag byang chub tu sems bskyed
20a2 do| |rab kyi rtsal gyis rnam par gnon pa/ gang de ltar byang chub tu sems bskyed pa de dag ni/ byang chub sems dpa' yang dag pa zhes bya ste/ de dag byang chub las phyir mi ldog go /
20a3 de ci'i phyir zhe na/ gang dag 'di ltar byang chub dang / sems dang / skye ba dang / 'gog pa tha dad du bya bar yang dag par rjes su mi mthong ba de dag byang chub nyid la gnas pa ste/ 'di ni/
20a4 gang yang yang dag par rjes su mi mthong ngo / /gang la yang mngon par mi zhe na/ gang la yang rnam par rtog par mi 'gyur te/ rab kyi rtsal gyis rnam par gnon pa/ gang dag de ltar rnam
20a5 par grol ba dang / rnam par grol bar sems mi bskyed pa de dag ni/ byang chub sems dpa' yang dag pa zhes bya'o/ /rab kyi rtsal gyis rnam par gnon pa/ gang dag sems can du 'du shes
20a6 pa dang / byang chub tu 'du shes pa dang / byang chub kyi phyir sems bskyed na/ de dag ni/ byang chub las ring ba ste/ de ni/ byang chub dang nye ba ma yin no/ /rab kyi rtsal gyis rnam par gnon pa/
20a7 gang dag byang chub las ring ba'am/ nye bar yang dag par rjes su mi mthong ba de dag byang chub dang nye ba ste/ de ni/ byang chub kyi phyir sems bskyed pa'o/ /rab kyi rtsal gyis rnam par gnon pa/
iiif viewer powered by OpenSeadragon
Texts on this page
H14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa