| e-texts navigator |
| བོད་ཡིག |
121b1 stong chen po'i 'jig rten gyi khams snang ba chen pos khyab par gyur to/ /lha rnams kyis kyang mi mthong / mi rnams kyis kyang lha mthong ngo / /gang der 'dus pa'i lha dang / klu dang / gnod sbyin dang / dri za dang /
121b2 lha ma yin dang / nam mkha' lding dang / mi'am ci dang / lto 'phye chen po de dag thams cad kyis lha'i me tog bcom ldan 'das la gtor/ lha'i gos kyang phul nas sgra skad chen po phyung ste a la la/ de bzhin
121b3 gshegs pas bdud sdig can rnams kyi spyod yul ma lags pa byin gyis brlabs pa 'di ni byin gyis brlabs chen po lags te/ chos kyi byin gyis brlabs 'dis bdud kyi zhags pa thams cad bkum mo/
121b4 rigs kyi bu'am/ rigs kyi bu mo de dag bdud sdig can gyis 'jigs so snyam du dogs par mi bgyi'o/ /gang chos kyi rnam grangs 'di 'dzin pa dang / klog pa dang / gzhan dag la yang rgya cher yang dag par rab tu ston
121b5 pa'i byang chub sems dpa' de dag ni bdud sde dang bcas pa las rgyal bar 'gyur ro/ /gang chos kyi rnam grangs 'di 'dzin pa dang / klog pa dang / gzhan la yang rgya cher yang dag par ston pa de dag ni bdud sdig can sde dang bcas
121b6 pa las rgyal bar 'gyur lags so/ /de nas bcom ldan 'das kyis byang chub sems dpa' rab kyi rtsal gyis rnam par gnon pa la 'di skad ces bka' stsal to/ /de de bzhin no/ /rab kyi rtsal gyis rnam par gnon pa/ de de bzhin te/
121b7 lha'i bu de dag gis tshig ji skad smras pa de bzhin te/ rab kyi rtsal gyis rnam par gnon pa/ de bzhin gshegs pas chos kyi rnam grangs 'di la bdud sdig can rnams kyi mtshams bcad do/ /rab kyi rtsal gyis rnam par gnon pa/ rigs
iiif viewer powered by OpenSeadragon
Texts on this page
H14 - 'phags pa rab kyi rtsal gyis rnam par gnon pas zhus pa shes rab kyi pha rol tu phyin pa bstan pa