| e-texts navigator |
| བོད་ཡིག |
114b1 thams cad sel/ sdug bsngal thams cad nges par 'joms/ dbang byed gsang sngags dam pa ste/ sa steng sdig pa thams cad sel/ ma dmad 'bras bu
114b2 nges par smin/ bstan pa yin te sdang ba 'dul/ nyes pa byas pa sel ba yi/ gzungs 'di gang gi thos gyur des/ sangs rgyas rnyed par bka' ba yang
114b3 ring por mi thob par 'gyur/ sgrib pa thams cad rab zhi zhing / khyab bdag nyon mongs kun sel ba/ gang zhig nyon mongs zhi byed pa'i/ gzungs 'di
114b4 'chang bar byed pa yi/ kun tu bzang po nyid dang ni/ lag na rdo rje nyid kyang thob/ rig sngags 'chang gi bdag po yang / 'di thos pas ni thob par 'gyur//
114b5 'jig rten kun la la me ba/ bcom ldan rnam par snang mdzad kyang / dkyil 'khor dam pa gting med pa/ 'di ni ji srid ma gsan par/ rab zhi nyon mongs
114b6 'dul ba yi/ rang 'byung go 'phang ma brnyes te/ rnam par dag phyir gsan gyur nas/ gsan ma zag tu rnam par dag/ de phyir phun sum tshogs pa dang /
114b7 legs pa 'dod pas brjod par bya/ gzhan gyi mi thub gzungs gsan nas/ thub pa kun gyi gang bsnyes pa/ 'khor ba 'dir ni nam du yang / bdud
114b8 kyi las dang 'khrugs med dang / mya ngan med cing 'theb med pa/ gzungs la gnas pas thob par 'gyur/ gnas kyi dam pa thob nas kyang //
iiif viewer powered by OpenSeadragon
Texts on this page
F557 - sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa