rKTs

e-texts navigator

Volume

Page

170b₁ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung na/ de gnas mal dgon pa 'am/
170b₂ nags 'dab bam/ bas mtha' dag tu gnas par mdzad do// de gnas mal dgon pa 'am/ nags 'dab bam/ bas mtha' dag na bzhugs pa'i tshe
170b₃ nyan pa po khyim pa dang / rab tu byung ba dag rjes su 'brang bar 'gyur ro// de nyan pa po khyim pa dang / rab tu 'byung ba rjes su lhags pa dag la chums par
170b₄ mi mdzad cing brgyal bar skyed pa mi mdzad la/ mang po sbas pa'i phyir rjes su 'jug par mi mdzad kyang / de nyan pa pos kun tu gang zhing gnas na lhag pa'i sems
170b₅ las byung ba bzhi po de dag gis tshe 'di la bde bar gnas pa thob pa gang dag yin pa dag las gang yang rung ba las yongs su nyams par nga smra la/ gcig pu
170b₆ ma 'dres pa dang / bag yod pa dang / rtul pa dang / sems bsdus pa'i bdag nyid de dag gis nyams pa med pa'i sems rnam par grol pa/ skas mngon
170b₇ sum du mdzad cing gnas pa gang yin pa de la ni/ rnam grangs gang gis kyang yongs su nyams pa med par smra mod kyi/ 'on kyang nyan pa po dang ldan pa ston pa de
170b₈ nyid kyi bka' la mngon par dang par gyur pa/ de ston pa de yid kyi dben pa'i rjes su slob pa'i tshe/ gnas mal dgon pa 'am/ nags 'dab bam/ bas mtho

_{iiif viewer powered by OpenSeadragon}

170a - 171a

Texts on this page