| e-texts navigator |
| བོད་ཡིག |
210a1 bcom ldan 'das gdugs cig bstsal pa'i/ bsod nams kyi phung po de yang tshad ma mchis na/ dgung lo brgya phrag stong du gsags pa/
210a2 lta smos kyang ci 'tshal/ bcom ldan 'das kyis bka' stsal pa/ kun dga' bo khyod mos par bya'o/ khyod kyis khong du chud par bya'o// byang chub don du gnyer ba dang /
210a3 chos kyi 'khor lo bskor ba don du gnyer ba dang / sems can rab tu thar par bya ba don du gnyer bar bya ba dang / chos kyi rnam grangs 'di thos nas/ mos sam/
210a4 'dzin tam/ 'chang ngam/ klog gam/ kun chub par byed dam/ rigs kyi bu 'am/ rigs kyi bu mo// byang chub sems dpa'i theg pa de/ de las bsod nams
210a5 kyi phung po mang du bskyed na// gang de bzhin nyid du bsgrub pa lta smos kyang ci dgos/ de nas bcom ldan 'das la/ byang chub sems dpa' byams pas/ byang chub
210a6 sems dpa' lha'i gcod pa dang / tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di
210a7 ji ltar gzung bar bgyi/ bcom ldan 'das kyis bka' stsal pa/ rigs kyi bu dag/ de'i phyir khyod kyis chos kyi rnam grangs 'di ni/ mi 'am ci'i rgyal po ljon pas/
210a8 zhus pa/ pha rol tu phyin pas/ rnam par nges pa bstan pa dang / dam pa'i chos rin po che'i/ le'u zhes bya bar zung shig/ bcom ldan 'das kyis/ de skad ces
iiif viewer powered by OpenSeadragon
Texts on this page
F294 - 'phags pa mi 'am ci'i rgyal po sdong pos zhus pa zhes bya ba theg pa chen po'i mdo