| e-texts navigator |
| བོད་ཡིག |
38a1 / dag yin pa don dang ldan pa rnams sam/ dge ba dang ldan pa rnams kyang de dag la ston par byed de/ yongs su mi skyo zhing yongs su
38a2 yid chad med la yongs su skyo ba'i sems mi skyed do// de mkhan po dang slob dpon 'gro na dran pa dang ldan zhing 'di snyam du sems te// mkhan po dag ni bsnyen par dka'
38a3 ba/ slob dpon dag ni bsnyen par bka' ba dag/ bdag der song ba na sdig pa mi dge ba kun du spyod pa 'ga' zhig gis// bdag la glengs shing dran par byas nas mi rung ngo
38a4 snyam nas/ rgyu de dang rkyen de dang gzhis des bslab pa rnams la gus par byed par 'gyur te/ rtun par byed pa dang / legs par bya ba byed pa dang / zhi ba rnal du byed pa dang /
38a5 shin du yongs su mthar thug par byed pa nyid kyis mkhan po dang slob dpon gyi gan du 'gro ba na/ bag tsha ba med pa dang / bag khums pa med 'gro zhing mi 'jigs pa dang /
38a6 lhan cig tu byung ba'i rgod pa yang mi rten te/ de ci'i phyir zhe na/ gus pa dang bcas shing zhe sa dang bcas shing zhe sa dang bcas pa yin la/ rigs kyi bu bag ma bzhin
38a7 du 'dzem pa dang ldan pa yin pa'i phyir ro// de la 'dzem pa dang ldan pa lus kyi skyon dang / lus kyi nyes pa spyod pa gang dag yin pa de dag thams cad kyi thams cad tu yongs su
38a8 spong ngo // tshangs pa byang chub sems dpa' lus kyi skyon dang / lus kyi nyes par spyod pa de dag gang zhe na/ tshangs pa srog gcod pa ni byang chub sems dpa' lus kyi skyon
iiif viewer powered by OpenSeadragon
Texts on this page
F275 - 'phags pa tshangs pas zhus pa zhes bya ba theg pa chen po'i mdo