| e-texts navigator |
| བོད་ཡིག |
33b1 bsod nams kyi phung po mang du phel lam/ gsol pa/ sems can gcig la yang se gol gtogs pa tsam zhig byams pa'i sems kyis khyab par bgyis na/ de tsam gyi
33b2 kyang bsod nams mang du bskyed na/ bskal pa bye bya mtha' yas mu ma mchis par sems can thams cad bzung ste/ bde ba'i yo byad thams cad kyis rim gror
33b3 bgyis pa lta smos kyang ci 'tshal/ bka' stsal pa/ pad ma'i dpal gyi snying po khyod mos par bya'o// khyod kyis khong du chud par bya'o// gang de bzhin gshegs pas
33b4 gsungs pa'i mdo sde 'di lta bu 'di byang chub sems dpa' la gnas te/ len pa dang / 'dzin pa dang / klog pa dang / kun chub par byed pa dang / gzhan dag la rgya cher
33b5 yang dag par rab tu ston pa'i rigs kyi bu 'am rigs kyi bu mo dad pa zhugs pa mos pa mang ba dag bzhi de las bsod nams kyi phung po ches mang du bskyed do// de nas btso
33b6 ldan 'das la byang chub sems dpa' pad ma'i dpal gyi snying pos 'di skad ces gsol to// bcom ldan 'das de bzhin gshegs pa'i mdo sde 'di lta bu 'di de bzhin
33b7 gshegs pas yongs su mya ngan las 'das kyang / bdag gis blang bar bgyi/ bzung bar bgyi/ bcang bar bgyi/ klag par bgyi/ kun chub par bgyi/ gzhan
33b8 dag la rgya cher yang dag par rab tu bstan par bgyi'o// de nas byang chub sems dpa' pad ma'i dpal gyi snying pos tshig 'di skad ces smras pa dang / byang chub sems
iiif viewer powered by OpenSeadragon
Texts on this page
F274 - 'phags pa sgyu ma lta bu'i ting nge 'dzin zhes bya ba theg pa chen po'i mdo