| e-texts navigator |
| བོད་ཡིག |
26b1 rin chen sems dang / rin chen mchog ces bya ba gnyis rdzus te byung nas/ dkyil mo dkrung bcas nas 'dug go/ pad ma'i dpal gyi snying po de ltar rgyal po dpal gyi gzi
26b2 brjid de ting nge 'dzin las langs nas/ khye'u gnyis dkyil mo dkrung bcas nas 'dug pa mthong ngo // mthong nas tshigs su bcad pa 'di smras so// khyed gnyis lha 'am klu
26b3 yin nam// gnod sbyin dri za mi 'am ci/ mi 'am mi ma yin nam ci/ dris pa smros shig grogs po dag/ pad ma'i dpal gyi snying po de ltar rgyal po dpal gyi gzi brjid kyis
26b4 g.yas phyogs su byung ba'i khye'u gang yin pa des rgyal po dpal gyi gzi brjid de la tshigs su bcad de smras pa/ grogs po chos kun stong pa yi// ming ni 'dri bar byed dam ci//
26b5 chos rnams thams cad ming med na/ gang gi ming ni 'dri bar byed// stong pa nyid la'ang lha med cing / klu med srin po yod ma yin/ mi 'am mi ma yin yang rung / thams
26b6 cad de na yong med do// pad ma'i dpal gyi snying po de nas khye'u gcig shos des/ rgyal po dpal gyi gzi brjid la tshigs su bcang de smras pa/ ming ni ming gis stong pa
26b7 ste/ ming la ming ni yod ma yin/ chos rnams thams cad ming med de/ 'on kyang ming gis yongs su brjod// ming gi rang bzhin gang yin pa/ de ni mthong ngo // las
26b8 kyi 'gags pa ma yin na// 'di na gang gi ming zhig 'di/ tha snyad tu ni ming byas nas/ ming btags byas te bstan pa ni/ kho bo'i ming ni rin chen sems// gcig
iiif viewer powered by OpenSeadragon
Texts on this page
F274 - 'phags pa sgyu ma lta bu'i ting nge 'dzin zhes bya ba theg pa chen po'i mdo