| e-texts navigator |
| བོད་ཡིག |
23b1 de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po de'i nyan thos kyi dge 'dun ches mang ngo // de bzhin du byang chub
23b2 sems dpa'i dge 'dun kyang de snyed do// bcom ldan 'das de bzhin gshegs pa de ni theg pa chen po kho na las brtsams te chos ston to// pad ma'i dpal gyi snying po ngas
23b3 bskal pa gang ga'i klung gi bye ma snyed du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser 'od seng ge rnam par rol pa'i rgyal po
23b4 de'i sangs rgyas kyi zhing gi yon tan bkod pa dang / nyan thos kyi yon tan bkod pa dang / bde ba'i rgyu las brtsams te chos bstan par 'dod kyang nga'i spobs pa yang zad par
23b5 mi 'gyur/ sangs rgyas kyi zhing gi yon tan bkod pa de'i mthar phyin par yang mi 'gyur ro// pad ma'i dpal gyi snying po de'i tshe de'i dus na/ bcom ldan 'das de bzhin gshes
23b6 pa gser 'od seng ge rnam par rol pa'i rgyal po de'i gsung rab la 'jig rten gyi khams stong gi dbang phyug chos dang ldan pa chos kyi rgyal po dpal gzi brjid ces bya ba'i rgyal po
23b7 zhig byung ste/ pad ma'i dpal gyi snying po rgyal po dpal gyi gzi brjid de la bu bye ba phrag brgya yod de/ rgyal bu gzhon nu de dag thams cad kyang skyes bu chen po'i mtshan nyi shu rtsa brgyad
23b8 dang ldan par gyur to// de dag thams cad bla na med pa yang dag par rdzogs pa'i byang chub la yang dag par zhugs par 'gyur to// pad ma'i dpal gyi snying po rgyal po dpal gyi
iiif viewer powered by OpenSeadragon
Texts on this page
F274 - 'phags pa sgyu ma lta bu'i ting nge 'dzin zhes bya ba theg pa chen po'i mdo