| e-texts navigator |
| བོད་ཡིག |
17a1 sems dpa' de gnyis kyis de'i tshe/ ji lta bu'i rdzu 'phrul mngon par 'du bya ba mngon par byas pas/ 'jig rten gyi khams mi 'jed 'di
17a2 lag zil du mnyam par gyur pa de lta bu'i rdzu 'phrul mngon par 'du byas so// byang chub sems dpa' de dag kyang khang pa brtsegs pa bye ba phrag brgya bcu rtsa bzhis yongs su
17a3 bskor te// mdun du bdar nas yon tan gyi bkod pa chen po dang ldan pas/ shin du lhag ge'o// khang pa brtsegs pa de dag gi 'od kyis kyang stong gsum gyi stong chen po'i
17a4 'jig rten gyi khams 'di snang bas khyab par gyur to// de nas byang chub sems dpa' de gnyis bcom ldan 'das de bzhin gshegs pa dgra bcom pa yang dag par
17a5 rdzogs pa'i sangs rgyas shAkya thub pa ga la ba der dong ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i zhabs la mgo
17a6 bos phyag 'tshal nas lan gsum skor ba byas te 'khod do// phyogs cig tu khod nas/ skyes bu dam pa de gnyis tshig 'thun par sgra dbyangs gcig tu bcom ldan
17a7 'das la tshigs su bcad pa 'di dag gis mngon par bstod do// gzi brjid tshungs med yon tan phung po gcig la phyag 'tshal lo// drang srong chen po kun mkhyen
17a8 yon tan kun gyi pha rol gshegs// thams cad zil non srid pa gsum gyi chags pa'i lam las 'das/ shAkya khyu mchog dri bral zla ba'i zhal la phyag 'tshal lo//
iiif viewer powered by OpenSeadragon
Texts on this page
F274 - 'phags pa sgyu ma lta bu'i ting nge 'dzin zhes bya ba theg pa chen po'i mdo