| e-texts navigator |
| བོད་ཡིག |
151b1 dang ldan par gyur pa de'i mthu 'di che ba'o snyam ste/ dad pa'i sems cig brnyed nas de dag 'chi ba'i dus byas te/ shi 'phos nas rgyu de nyid kyis mtshungs par de dag/
151b2 lhar skyes pa nas rim gyis rgyu de nyid kyi nga'i bstan pa la dad pa rnyed de la la ni nyan thos kyi theg pas/ la la ni rang sangs rgyas kyi theg pas yongs su mya ngan las
151b3 'das so// la la ni theg pa chen pos bla na med pa yang dag par rdzogs pa'i byang chub tu nges par gyur to// rigs kyi bu rnam grangs 'di ngas mngon par shes te/
151b4 bgrang ba las 'das pa'i sems can dag gang gi phyir de bzhin gshegs pa'i theg pa chen po la dad pa srab cing chung ba'i sems cig gi kyang kha cig ni ngan song las log
151b5 par gyur/ kha cig ni kun nas nyon mongs par gyur pa'i lus las log par gyur to// log nas kyang 'jig rten pa'i phun sum tshogs pa rjes su 'thob bo// theg pa
151b6 chen po la dad pa'i sems srab cing chung ba des 'jig rten las 'das pa'i phun sum tshogs pa'i rnam pa thams cad kyang rjes su 'thob bo// rigs kyi bu byang chub
151b7 sems dpa' rnams kyi theg pa chen po la dad pa srab cing chung ba cig gi phan yon yang de ltar tshad med ni/ byang chub sems dpa' rnams kyi theg pa chen po la dad pa rgyun tu 'byung
151b8 zhing chu bo ltar 'bab pa'i phan yon lha mos kyang ci dgos te/ bskal pa bye ba khrag khrig brgya stong du yang brjod par sla ba ma yin no// de skad ces bka' stsal pa dang /
iiif viewer powered by OpenSeadragon
Texts on this page
F184 - 'phags pa theg pa chen po la dad pa rab tu sgom pa zhes bya ba theg pa chen po'i mdo