rKTs

e-texts navigator

Volume

Page

99b₁ mkhas pas las kyi byed pa ston no// bstan pa 'di la rab tu byung ba bskur ba btab pa dag 'byung ste/ de dag mi bden par skur bar 'gyur ro// de dag 'gyod pa
99b₂ du 'gyur te/ skur pa btab pa dang / de bzhin gshegs pa chos dkar po thams cad dang ldan pa de la yang mngon sum du skur pa 'byung ba na/ bdag cag lta la ci'i phyir mi
99b₃ 'byung / zhes spras shing de dag de'i tshe skur pa zil gyis mnan nas yongs su dag pa yongs su dkar ba'i tshangs par spyod pa spyad par 'gyur gyi/ 'bri bar ni mi 'gyur ro// bu
99b₄ mo tsa ni sdig pa'i las kyis yog na/ rmi lam na de bzhin gshegs pa la skur pa 'debs pa ste/ shi 'phos ma thag tu yang sems can dmyal bar 'gro bar 'gyur ro// de ltar
99b₅ de bzhin gshegs pas de srung nus par mkhyen na ni de bsrungs par 'gyur ro// de ci'i phyir zhes na/ de bzhin gshegs pas ni sems can gang yang yongs su btang ba med pa'i
99b₆ phyir ro// ci'i phyir zhe na/ mdzes ma kun tu rgyu ba srog dang phral nas mdze te'i tshal du sbas la/ de bzhin gshegs pa thams cad mkhyen pas kyang g.yel bar bor zhe na/ de bzhin
99b₇ gshegs pa ni thogs pa med pa 'di ye shes dang ldan pas/ de 'dra bar 'gyur ba'i yang mkhyen la/ de bzhin gshegs pas ci nas kyang mdzes ma kun tu rgyu ba mtshon gyis mi zung ba dang /
99b₈ gzhan du 'bang bar bya ba de lta bu'i rdzu 'phrul byin gyis brlabs kyang nus mod kyi/ de bzhin gshegs pas mdzes ma kun tu rgyur tshe zad pas de nges par 'chi dgos la/ rnam grangs

_{iiif viewer powered by OpenSeadragon}

99a - 100a

Texts on this page