rKTs

e-texts navigator

Volume

Page

117b₁ yin zhing go skabs med pa 'di ni/ gang bud med 'khor los sgyur ba'i rgyal srid dang / brgya byin nyid dang / tshangs pa nyid dang / bdud nyid byed par 'gyur ba dang /
117b₂ rang byang chub mngon du byed par 'gyur ba dang / bla na med par yang dag par rdzogs pa'i byang chub mngon par rdzogs 'tshang rgya bar 'gyur ba 'di ni gnas ma yin no// 'di ni gnas
117b₃ yin te/ skyes pa gang yin pa'o// gnas ma yin zhing go skabs med pa ni/ gang lta ba phun sum tshogs pa'i gang zag bsams bzhin du pha dang ma dang / dgra bcom pa bsod/
117b₄ par 'gyur ba dang / dge 'dun gyi dbyen byed par 'gyur ba dang / de bzhin gshegs pa la ngan sems kyis khrag 'byin par 'gyur ba 'di ni gnas ma yin no// 'di ni
117b₅ gnas yin te so so'i skye bo gang yin pa'o// gnas ma yin zhing go skabs med pa ni/ gang lta ba phun sum tshogs pa'i gang zag bsams bzhin du srog chags kyi srog bcod
117b₆ par 'gyur ba dang / bslab pa btang nas nyams pa 'jug par 'gyur ba dang / 'di las phyi rol gzhan dag la yon gnas su tshol bar 'gyur ba dang / 'di las phyi rol
117b₇ pa gzhan dag la ston par lta bar 'gyur ba dang / dge mtshan dang bkra shis bdag gi dag par yid ches par 'gyur ba dang / dge sbyong dang / bram ze shes pa dang ldan pa
117b₈ de dag shes par bya ba shes shing lta bar bya bar mthong ngo // snyam nas dge sbyong dang / bram ze gzhan dag gi ngor rtog cing ngor lta bar 'gyur ba dang / srid pa brgyad pa mngon pa

_{iiif viewer powered by OpenSeadragon}

117a - 118a

Texts on this page