| e-texts navigator |
| བོད་ཡིག |
49b1 na/ pra ha ra Na mA yA/ sid+d+ha dA yi ge/ su ru ke/ su ru ke/ badzra g+ho Ne/ badzra D+D+hi/ sA ra pra ha ra Ne/ rat+Na tra ya/ di kra la bud+d+he te/ badzra d+ha ra bi shwa sa ni ka/ a pra ti ha ta pra marda ni swA hA/ gang gsang sngags 'di rjes su dran nas klog gam/ sgom mam/ 'dzin
49b2 pa de thos na ngan 'gro log par ltung bar 'gro bar mi 'gyur ro/ /'jig rten pa dang / 'jig rten las 'das pa'i dkyil 'khor thams cad la mchod pa byas par 'gyur ro/ /dam tshig dang phyag rgya la zhugs par 'gyur ro/ /bsam pa dang rjes su yi rang bas 'gugs
49b3 par byed do/ /dug dang / gsang sngags dang / mdud pa dang / rdeg pa dang / 'ching ba'i 'jigs pa la sogs pas rnam par skrag par byed do/ /de nas lha dang / lha'i bu de dag gis de'i mthus bcom ldan 'das rdo rje 'chang de'i rnam par rol pa dang /
49b4 bcom ldan 'das kyis gsungs pa rnam pa mang po du ma yang myong nas steng gi gnas gtsang ma dang / 'og min gyi lha dang / 'jig rten gyi khams gzhan na gnas pa dag gis 'od dang ldan pa'i me tog dang / bdug pa'i sprin dang / rin po che mang po'i char
49b5 rgya chen pos mchod nas bstod pa snyan pas bstod de snyan cing zab la rnga sgra lta bu dang / bsil ba dang / bsod nams kyi tshigs su bcad pa dag kyang smras so/ /bcom ldan 'das kyis de skad ces bka' stsal nas/ dge slong de dag dang / byang chub
49b6 sems dpa' de dag dang / thams cad dang ldan pa'i 'khor de dag yi rangs te/ bcom ldan 'das kyis gsungs pa la mngon par bstod do/ /'phags pa rdo rje mi pham pa me ltar rab tu rmongs byed ces bya ba'i gzungs rdzogs so// //
49b7 rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+de ye shes sdes bsgyur cing zhus te/ skad gsar chad kyis kyang bcos nas gtan la phab pa// //
iiif viewer powered by OpenSeadragon
Texts on this page
D954 - 'phags pa rdo rje mi pham pa me ltar rab tu rmongs byed ces bya ba'i gzungs