rKTs

e-texts navigator

Volume

Page

47b₁ po'i tshogs rnams rnam par rgyu zhing ku co dang / 'jigs pa dang / nyam thag pa'i sgra 'byin to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas sgra de dag gsan nas 'di skad ces bka' stsal to/ /kye bzhin
47b₂ dag ci'i phyir ku co dang / 'jigs pa dang / nyam thag pa dang / 'khrug pa'i sgra 'byin/ de dag gis gsol ba/ bcom ldan 'das bdag cag ni dbang du bgyis te/ gnod pa dang drang bas bkug cing drangs te tho btsams na/ bcom ldan 'das bskyab tu
47b₃ gsol/ de skad ces gsol pa dang / bcom ldan 'das kyis thams cad kyi steng gi dkyil 'khor yangs pa ston pa'i mchog gi blo gros dang / blo dang / las dang / las kyi mtha' dang ldan pa/ sa chen po las sa gzhan thob pa rgyal tshab tu nye ste/ chos kyi rgyal srid la
47b₄ dbang bskur ba'i byang chub sems dpa' sems dpa' chen po rjes su dgongs par mdzad pa tsam gyis 'ongs te/ rdo rje'i zom ltar dpung mgo yangs pa/ rdo rje ltar mkhregs pa'i cod pan 'od zer 'tsher ba can/ rdo rje'i dpung rgyan dang ldan pa/ lus mkhregs shing sra ba/
47b₅ lag na rdo rje dang / zhags pa dang / lag cha brtan po 'bar ba thogs pa/ rdo rje phur bu sra bas rab tu 'joms par byed pa/ mthu chen po g.yog bzhi 'bum lnga khri dang ldan pa/ 'jig rten gyi khams 'di kun du snang bar byed cing rdo rje'i rigs kyi gzhon nu dang / rdo rje'i sde
47b₆ dang / rdo rje'i be con dang / rdo rje'i snying po dang / rdo rje'i tog dang / rdo rje'i snang ba dang / rdo rje sngon po dang / rin po che'i rdo rje dang / gsang ba'i rdo rje dang / 'khor lo rdo rje la sogs pa dang / rdo rje'i dmag dpon chen po rnams dang / dmag skyong rnams dang /
47b₇ sa skyong rnams dang / rdo rje rig pa'i rgyal po yang dag pa dang / yang dag pa ma yin pa yang dag par rtogs pa rnams dang / rdo rje'i yum rnams dang / rdo rje rnam par 'dren rnams dang lhan cig tu rdo rje gzhon nu'i gdon rnams dang / rdo rje gnon po rnams dang / rdo rje rmi lam ngan

_{iiif viewer powered by OpenSeadragon}

47a - 48a

Texts on this page