rKTs

e-texts navigator

Volume

Page

242a₁ nams kyi phung po dang ldan par 'gyur te/ tshe yang ring bar 'gyur ro/ /de bzhin gshegs pa bye ba phrag 'bum gyi bsod nams kyi phung po dang ldan par 'gyur ro/ /rtag tu mi ma yin pa rgyu ba 'byung po dang / sha za la sogs pa dang / gnod
242a₂ sbyin dang / srin po dang / gdon dang / rnams kyis mi mthong bar 'gyur ro/ /stobs dang / brtson 'grus dang yang ldan par 'gyur ro/ /gzugs dang ldan pa dang / gzi brjid dang ldan pa dang / dran pa dang ldan par yang 'gyur ro/ /bram ze'i
242a₃ drang srong tshim par byed 'dod pa des ni mchod yon dang / dbul bar bya ba snod bkang ba la lan bdun bzlas brjod byas la 'bab chu ga la yod pa'i gnas der sbyin par bya'o/ /de ltar byas na bram ze'i drang srong gang gA'i klung bye ba khrag khrig 'bum phrag du ma'i bye ma snyed
242a₄ dag lha'i bza' ba dang btung ba rnams kyis tshim par byas par 'gyur ro/ /bram ze'i drang srong de dag kyang dbang bo tshim par 'gyur te/ de dag thams cad kyis oM bde legs su gyur cig ces bya ba'i sgra 'byin par byed la/ sems can de dag kyang bsam pa yongs
242a₅ su dag par 'gyur te/ bram ze'i gzi brjid dang ldan par 'gyur ro/ /rtag tu tshangs bar spyod par yang 'gyur ro/ /de bzhin gshegs pa gang gA'i klung bye ba khrag khrig phrag 'bum gyi bye ma snyed dag gis dge ba'i rtsa ba dang ldan par yang 'gyur ro/ /rtag tu dgra
242a₆ thams cad shigs par 'gyur ro/ /me tog gam/ bdug pa'am/ spos sam/ zas dang / skom gyi yo byad la lan nyi shu rtsa gcig bzlas brjod byas la sangs rgyas dang / chos dang / dge 'dun la dbul bar bya'o/ /de ltar byas na rigs kyi bu'am/
242a₇ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma des phyogs bcu'i de bzhin gshegs pa thams cad kyi sangs rgyas kyi zhing gi sangs rgyas dang / chos dang / dge 'dun la lha'i mchod pa dang / de bzhin gshegs

_{iiif viewer powered by OpenSeadragon}

241b - 242b

Texts on this page