| e-texts navigator |
| བོད་ཡིག |
222a1 bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /gal te zhus nas zhu ba lung bstan
222a2 pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol ba dang / bcom ldan 'das kyis klu'i bdag po
222a3 g.yog mtha' yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal po la 'di skad ces bka' stsal to/ /klu'i bdag po ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ /de skad
222a4 ces bka' stsal pa dang / bcom ldan 'das la klu'i bdag po g.yog mtha' yas rgya mtsho sprin bkod pa'i gzi brjid kyi dkyil 'khor gdugs lta bu'i rgyal pos 'di skad ces gsol to/ /bcom ldan 'das ji ltar na klu thams cad kyi klu'i sdug bsngal thams cad rgyun chad
222a5 par 'gyur/ bde ba thams cad dang ldan pa dang rab tu dga' bar 'gyur/ 'dzam bu'i gling 'dir dus dus su char gyi rgyun 'bebs par 'gyur/ rtswa dang shing gel pa dang sman dang nags tshal thams cad 'khrung bar 'gyur/ 'bru thams cad skye bar 'gyur/ bcud
222a6 thams cad yang dag par skye bar 'gyur/ gang gis 'dzam bu'i gling gi mi rnams bde ba dang ldan par 'gyur/ de skad ces gsol pa dang / bcom ldan 'das kyis klu'i bdag po g.yog mtha' yas rgya mtsho sprin bkod pa'i gzi brjid kyi dkyil 'khor gdugs
222a7 lta bu'i rgyal po la 'di skad ces bka' stsal to/ /klu'i bdag po khyod sems can thams cad la phan pa dang bde ba'i phyir zhugs te/ de bzhin gshegs pa la don 'di yongs su 'dri bar sems pa/ legs so/ /legs so/ /klu'i bdag po de'i phyir legs par rab
iiif viewer powered by OpenSeadragon
Texts on this page
D1063 - 'phags pa sprin chen po