rKTs

e-texts navigator

Volume

Page

90a₁ 'tshal ba dang / phyag byed pa dang bsti stang byed pa dang bla mar byed pa dang / ri mor byed pa dang mchod pa dang rjed pa dang gsol pa dang bsngags pa dang / skor ba byed pa des phan yon lngar shes par bya ste/ lnga gang zhe na/ dran pa dang ldan par 'gyur ba dang / rtogs
90a₂ pa dang ldan par 'gyur ba dang / ngo tsha shes shing khrel yod pa dang ldan par 'gyur ba dang / myur du sangs rgyas bcom ldan 'das mthong bar 'gyur ba dang / mthong nas kyang dad pa skyed par 'gyur ba ste/ phan yon lnga po de dag tu shes par bya'o/ /de las gzhan yang chos bzhir
90a₃ shes par bya ste/ bzhi gang zhe na/ de bzhin gshegs pas bstan pa'i tshig so sor 'dzin pa dang / de dag kyang ji skad bstan pa bzhin du sgrub pa dang / sangs rgyas bcom ldan 'das rnams dang nye bar 'gyur ba dang / myur du sangs rgyas kyi zhing yongs su dag par skye bar
90a₄ 'gyur ba ste/ chos bzhi po de dag yongs su 'dzin par 'gyur ro/ /blo gros rnam par dag pa byang chub sems dpa' chos bzhi dang ldan na bdud dam bdud kyi ris kyi lha'i bu rnams kyis mi rdzi bar 'gyur te/ bzhi gang zhe na/ rigs che ba dang / btsas ma thag tu sangs rgyas
90a₅ bcom ldan 'das rnams yid la byed pa dang / phyi ma'i dus na dam pa'i chos 'dzin pa dang / rtag tu de bzhin gshegs pa dgra bcom pa yang dag par rdzogs pa'i sangs rgyas rnams kyis byin gyis brlab par 'gyur ba ste/ blo gros rnam par dag pa byang chub sems dpa'
90a₆ chos bzhi po de dag dang ldan na bdud dam bdud kyi ris kyi lha'i bu rnams kyis mi rdzi bar 'gyur ro/ /blo gros rnam par dag pa byang chub sems dpa'i theg pa la yang dag par zhugs pa gang gis de bzhin gshegs pa'i mchod rten mthong nas dad pa bskyed de/ pus mo gnyis
90a₇ ka'i lha nga sa la btsugs nas phyag 'tshal te/ de bzhin gshegs pa skyes bu chen po'i mtshan sum cu rtsa gnyis kyis sku legs par brgyan pa de ci 'dra bar bdag kyang de 'dra ba'i lus thob par gyur cig ces de ltar mos pa bskyed na/ blo gros rnam par dag pa bsod nams

_{iiif viewer powered by OpenSeadragon}

89b - 90b

Texts on this page