| e-texts navigator |
| བོད་ཡིག |
149a1 'phags pa nor bu chen po rgyas pa'i gzhal med khang shin tu rab tu gnas pa gsang ba dam pa'i gsang ba'i cho ga zhib mo'i rgyal po/ bam po gnyis pa/ de nas sdig pa kun ni sel byed pa'i/ /rig sngags lus kyi dri ma med byed pa/ /sangs rgyas
149a2 byang chub bla na med pa yi/ /cho ga zhib mo'i rgyal po dge bar bshad/ /de bzhin gshegs pa thams cad la phyag 'tshal lo/ /o~M bi pu la gar+b+he/ ma Ni pra b+he/ ta thA ga ta nin+de sha ne/ ma Ni ma Ni/ su pra b+he/ bi ma le/ sA ga ra gam+b+hI re/ hU~M hU~M/ dz+wA lA dz+wA lA/
149a3 bud+d+ha bi lo ki te/ gu h+ya ad+hiSh+ShI ta gar+b+he swA hA/ de nas bcom ldan 'das kyis nor bu chen po rgyas pa'i gzhal med khang shin tu rab tu gnas pa gsang ba dam pa'i gzungs 'di bka' stsal pa na sa chen po 'di rnam pa drug tu g.yos so/ /rin po che'i char chen po bab par gyur to/ /
149a4 me tog gi char chen po 'bab po/ /'khor thams cad kyang 'dus te thams cad kyis ca co dang ga zha'i sgra phyung nas thams cad sa bcu la gnas par gyur te/ thams cad dge ba'i chos dang ldan par gyur to/ /de nas sangs rgyas bcom ldan 'das thams cad kyis shAkya thub
149a5 pa la legs so zhes bya ba byin te/ shAkya thub pa gang byang chub kyi snying por 'gro ba'i gzungs 'di lta bu gsungs pa legs so legs so/ /thos pa tsam gyi mod la sdig pa dang ngan 'gro thams cad 'jig par 'gyur ro/ /gzungs 'di dran pas de bzhin gshegs pa thams cad
149a6 la lha'i na bza' dang / bdug pa dang / me tog dang / dri dang / phreng ba dang / byug pas mchod par 'gyur ro/ /bklags pa tsam gyi mod la phyir mi ldog par gyur nas bla na med pa yang dag par rdzogs pa'i byang chub mngon par rdzogs par sangs rgyas par gyur
149a7 to/ /de bzhin gshegs pa thams cad kyis bsod nams mngon par 'du byed pa/ bskal pa 'am/ bskal pa brgya'am/ bskal pa stong ngam/ bskal pa brgya stong du yang brjod par mi spyod de/ de ltar gzungs 'di phan yon che ba lags so/ /bdud kyi ris kyi lha thams
iiif viewer powered by OpenSeadragon
Texts on this page
D885 - 'phags pa nor bu chen po rgyas pa'i gzhal med khang shin tu rab tu gnas pa gsang ba dam pa'i gsang ba'i cho ga zhib mo'i rgyal po zhes bya ba'i gzungs