| e-texts navigator |
| བོད་ཡིག |
155b1 dbang sgyur gnyis med gang yin pas/ /yab yum 'brel ba'i ngo bor bshad/ /rtsa bcud thig ler bcas pa'i rten/ /so so'i nus par bcas pa nyid/ /gang la de dbang de yi phyir/ /'di ni phyi yi rim par bshad/ /gang de khams lnga'i bde ba yis/ /mnyes dang thig le
155b2 bkod pa dang / /nam mkha'i ye shes gsal ba dang / /de nyid khyab pa'i rang bzhin te/ /zag med bde ba'i rang bzhin gyis/ /phyogs bcu'i zhing khams mnyes par mdzad/ /dgug dang bcing dang mnyes dang gsal/ /thabs lam bcud du 'brel bar gsungs/ /gang
155b3 de thabs chen gsal byas pas/ /lus kyi chos bzhi rtag chad spangs/ /bde ba'i thig le rang snang ba/ /ma lus 'joms las khro bo'o/ /bcud las 'das pa'i hU~M gsum nyid/ /byed pa bral ba'i ngo bo nyid/ /yul gsum bral bas chos kyi dbyings/ /ma lus rnam dag
155b4 kun du bzang / /dngas snyigs snying por 'brel ba yis/ /nyon mongs sa bon drug bcas pas/ /thig les btul nas bstan pa 'chad/ /sprul pa'i sku ru bshad pa yin/ /kun kyang ye shes lnga yi ro/ /khyab par gnas pas rgyas btab cing / /snang srid bde chen sku gsung
155b5 thugs/ /dran pa rtag tu gsal bzung ba'o/ /de nas gzhan yang bshad par bya/ /gsang rtse sna tshogs 'dus pa'i dbus/ /phyi nang rim pa'i dbu rtse can/ /ngo bo byin brlabs 'phags pa ste/ /yon tan byin brlabs kun gyi gnas/ /gsang ba'i pad+ma'i rang bzhin du/ /
155b6 rdo rje gnyis med thig ler blta/ /nyi zla zil ba'i thig le nyid/ /phan tshun 'dres pa rlung gis phye/ /gsang ba'i khams lngas ye shes rol/ /snyigs ma'i phung po lnga dag nas/ /dngas ma lnga yi rang bzhin gsal/ /rgyal po de bzhin gshegs par gsal/ /gsang
155b7 ba'i 'byung ba lngar bstan pa/ /dbang yul phrad pa'i skabs las shes/ /rigs mchog yum gyi phyag rgya lnga/ /snyigs ma bral ba'i dus na blta/ /thig le thugs kyi bde ba rnams/ /rang rang thig le bde bar gsal/ /ye shes rnam shes dngas ma rnams/ /bde ba chen
iiif viewer powered by OpenSeadragon
Texts on this page
D833 - rdo rje sems dpa'i sgyu 'phrul dra ba gsang ba thams cad kyi me long zhes bya ba'i rgyud