| e-texts navigator |
| བོད་ཡིག |
90a1 gsum la bslab par bya'o/ /grong khyer gsum bshig par bya'o zhes bka' stsal pas/ dri ba gnyis pa'i yongs su rtog pa chad do/ /de nas yang ston pas dri ba gsum pa bka' stsal pa/ rig pa 'dzin pa 'di lta ste/ nga yis sgron ma gang bzhag
90a2 pa/ /snod gsum dag tu snang ba ste/ /zhi gnas lhag mthong las mtha' gsum/ /dang por shes pa'i rgyud gsum la/ /de nas yi ge'i tshogs nyid la'o/ /che chung rim pa'i blo yod phyir/ /theg pa'i rim pa de bzhin te/ /bsdu ba'ang che chung gnyis kyis so/ /rnam
90a3 pa gnyis kyi khyad par las/ /'jug pa'i yul yang de kho na'o/ /gang la mos pa de nyid du'o/ /zhes bka' stsal pas dri ba gsum pa'i yongs su rtog pa chad do/ /de nas yang ston pas dri ba bzhi pa dang / lnga pa tshig le'u gcig pa bka' stsal pa/ gzhan yang dri ba tha
90a4 ma gnyis/ gcig gis yongs su chod par byas/ /chos kyi spun du byas pa yi/ /rig pa 'dzin pa khyod nyon cig /sgron ma byed pa'i bya ba yang / /sngon du byung ba'i lung bstan pa'i/ /'gro ba'i lus kyi sems dpa' dag /byung nas gsal byed log sun 'byin/ /
90a5 de skad ces bka' stsal pas dri ba bzhi pa dang lnga pa'i yongs su rtog pa tshad de yongs su mya ngan las 'das par gyur to/ /sangs rgyas kun gyi dgongs pa 'dus pa'i mdo chen po las gdams ngag nges par gzhag pa'i le'u ste gnyis pa'o// //de'i tshe de'i
90a6 dus na gang dag mi chen po rnams ni yongs su gdung ba med par nang du yang dag 'jog go/ /byis pa rnams ni yongs su gdung bar gyur te blo ya ya por gyur cing shin tu blong nas rtag par rab tu ngu'o/ /'jig rten pa la la ni shi la thug par gyur/ la la ni
90a7 brgyal cing 'bog par gyur/ la la ni khams nas ro bam pa bzhin du gyur to/ /de bzhin du thams cad ku co mang po pha shi ba bzhin du kyi hud kyi hud zhes gdung ba'i sgra sgrogs so/ /lha dang bcas pa'i 'jig rten yang snod ni yid du mi 'ong bar gyur to/ /bcud
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo