e-texts navigator
Collection
Volume
Page
བོད་ཡིག

86b1 @##/ /rgya gar skad du/ sarba ta thA ga ta tsit+ta dz+nyAn gu h+ya ar+tha gaR+b+ha byU ha badzra tan+t+ra/ sid+d+hi yo ga A ga ma sa mA dza sarba bit+yA sU tra ma hA yA na a b+hi sa ma ya d+harmA par+yaya bi byU ha nA ma sU tra~M/ bru zha'i skad du/ hon pan ril til pi bu pi til ti ta sid 'un 'ub hang
86b2 bang ril 'ub bi su bad ri zhe hal pa'i ma kyang ku'i dang rong ti/ bod skad du/ de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa
86b3 chos kyi rnam grangs rnam par bkod pa zhes bya ba'i mdo/ bam po dang po ste thog mar zug pa/ bcom ldan 'das dpal sgrol byed thugs rje'i rgyal po shin tu rnam par grol ba nyid la phyag 'tshal lo/ /'di skad bgro ba bdag gis thos pa dus gcig na/
86b4 de bzhin gshegs pa thams cad kyi bcom ldan 'das gsang ba pa'i bdag po rdo rje 'dzin chen po ji skad du rnam par bgro ba'i skyes bu smra ba'i seng ge de 'di ltar sangs rgyas kyi zhing bsam gyis mi khyab pa na 'khod cing sems can gyi ris tha dad pa na bzhugs te bsam
86b5 gyis mi khyab pa bsam du med pa'i chos dpag tu med pa'i rgyal ba kun gyis bsngags pa'i 'du 'bral med pa'i gzungs/ thams cad rig pa gsang sngags kyi ngo bo ji snyed pa'i ji bzhin pa/ chos thams cad kyi me long de nyid mi 'gal bar nyan cing ma nor bar
86b6 ston te rnam par bgro ba ni 'di lta ste/ sangs rgyas mi bskyod pa'i zhing khams mngon par dga' ba zhes bya bar rdo rje'i 'od zer gyis rnam par brgyan pa na/ rdo rje phung po'i ri bo la skyes bu chen po sems dpa' rdo rje zhes bya bar byang chub sems dpa' bye ba phrag sa ya'i 'khor
86b7 dang bcas te/ sems kyi dkyil 'khor 'od gsal ba gsang sngags kyi ngo bo de nyid rang gi ston pa la nyan cing rang gi nye 'khor la de bzhin ston te/ yongs su 'das kyang de bzhin nyid du bsnyad pa'i sgo nas de rnam par bgro bar byed do/ /sangs rgyas rin chen



iiif viewer powered by OpenSeadragon

86a - 87a

Texts on this page

D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo