| e-texts navigator |
| བོད་ཡིག |
82b1 rgyal po yis/ /ma bcos sems kyi 'khor la lung phog pa/ /ma lus skye med rtogs pa'i rnal 'byor pa/ /rang bzhin bcu las rtsol bar ma byed cig /kun byed byang chub sems kyi rang bzhin la/ /shes pas gzung 'dzin mi shes spang med pas/ /
82b2 rtogs pa dbang sgyur don la gnas pa yis/ /kun byed rgyal po'i dgongs pa lhun gyis grub/ /ces gsungs so/ /byang chub kyi sems kun byed rgyal po las lhun grub re dogs bcad pa'i le'u ste brgyad cu pa'o// //de nas byang chub kyi sems kun byed
82b3 rgyal po la sems dpa' rdo rjes 'di skad ces zhus so/ /kye ston pa'i ston pa kun byed rgyal po lags/ /ji ltar snang ba'i chos ni khyod kyis byas/ /bstan pa'i dam chos ma lus khyod kyis bkod/ /dam pa'i rang bzhin khyod kyis bstan pas na/ /khyod kyi rang bzhin
82b4 rtogs na chos kun rtogs/ /de bas kun byed nyid kyi rang bzhin 'di/ /'dus pa'i tshogs kyis gsal bar ma rig pas/ /don du ji ltar gnas pa bshad du gsol/ /zhes zhus so/ /de nas byang chub kyi sems kun byed rgyal pos mdo lung rgyud la bsdu ba 'di
82b5 gsungs so/ /kye sems dpa' rdo rje legs par nan tan gyis/ /ston pa'i ston pa kun byed rgyal po yis/ /'khor la mdo lung bsdus pa 'di phog pa/ /legs par bstan pa'i don la nan tan gyis/ /kye nga yi rang bzhin skye med don gcig la/ /rgyud kyi
82b6 rang bzhin rnam pa gsum du bstan/ /gdams pa rnam pa gsum gyi rim pa yis/ /rgyud ni rtsa ba'i rgyud dang phyi ma dang / /phyi ma'i phyi mas don rdzogs bstan pa yin/ /kye rtsa ba thos pa'i rang bzhin bstan pa ni/ /nga yi rang bzhin lnga bcu rtsa bdun gyis/ /
82b7 dngos po'i don kun gtan la phab pa ste/ /sems dpa' rdo rjes legs par nan tan gyis/ /kye nga yi rang bzhin lnga bcu rtsa bdun ni/ /mngon du phyung ba'i mdo lung bcu bo dang / /nges par bstan pa'i mdo lung bcu po dang / /rgyu 'bras 'das pa'i mdo lung bcu
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po