| e-texts navigator |
| བོད་ཡིག |
79b1 don la legs par sgoms/ /nga ni ston pa kun byed rgyal po ste/ /dus gsum rgyal ba kun gyi lam 'dren pas/ /khyod kyang nga yi lam la legs par zhugs/ /'das pa'i sangs rgyas skye med lam du zhugs/ /ma byon skye med lam la 'jug par
79b2 'gyur/ /da ltar sangs rgyas skye med nyid la gnas/ /des na kun byed rgyal po kun gyi lam/ /kye lam 'dir 'jug cing bsgom pa'i rnal 'byor pa/ /da lta nyid nas rgyal ba'i sa la gnas/ /dgongs pa mi 'dzin phyogs ris gzung du med/ /snying po'i
79b3 lam la 'jug dang mi 'jug 'das/ /kye rnal 'byor dus gcig 'jug pa'i skal ldan la/ /kun byed rgyal po'i dgongs pa bstan byas nas/ /rtogs pa'i rlung la dran zhing 'dris pa las/ /bsgom zhing 'jug tu med par lung ston cig /kye nga ni ston pa kun
79b4 byed byang chub sems/ /ma lus kun byas byang chub sems su byas/ /sems nyid skye ba med pa'i lam du byas/ /skye med bde ba'i lam la 'jug tu med/ /skal ldan rgyal sras dam par nges pa la/ /kun byed nga yi lam 'di goms byas nas/ /bgrod
79b5 med rtsal med snying po'i don rtogs nas/ /kun byed rgyal po nyid du the tshom med/ /ces gsungs so/ /byang chub kyi sems kun byed rgyal po las snying po lam la gnas pa'i le'u ste bdun cu drug pa'o// //de nas byang chub kyi sems kun byed rgyal
79b6 pos don la sbyang du med pa 'di gsungs so/ /kye sems dpa' rdo rje rtogs pa'i don la sgoms/ /ston pa'i ston pa kun byed rgyal po yis/ /bsam gyis mi khyab nges pa'i dus bstan pa/ /snying po rtogs pa'i sa zhes bshad pa yin/ /bde chen nges
79b7 pa'i dus su gang bstan pa/ /de ni goms pa'i sa zhes bshad pa yin/ /gzhan dag rtsol zhing spyod pa'i khyad par dag /khams gsum 'khor ba'i snying po bsgrib pa'i sa/ /sa zhes bya ba gnas pa'i khyad par te/ /gang la gang gnas de ni sa yin no/ /kye sku gsum
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po