| e-texts navigator |
| བོད་ཡིག |
78b1 kye kun byed rgyal po dbang thob rig pa na/ /dngos po ma bcos ji bzhin rtag tu shar/ /rgyu dang rkyen med zhi ba mchog gi lam/ /gzhi bzhag gang ltar bzhag kyang de nyid dang / /kun byed rgyal po thabs chen rtogs pa'i dbang / /kun kyang ji bzhin
78b2 yul la 'jug pa na/ /skyon dang yon tan gnyi ga mnyam shes nas/ /'jug dang mi 'jug don las shin tu 'das/ /kye kun byed rig pas dbang sgyur dgongs pa 'di/ /ngag gis smrar med dmigs pa'i yul las 'das/ /dran pa zhi zhing spros
78b3 pa med pa ste/ /mkha' ltar khyab cing phyogs cha yongs kyis med/ /kye sems dpa' rdo rje de bzhin nyid sgoms shig /bsgom dang mi sgom yul las 'das pa la/ /gnyis ka 'byung 'jug re dogs med pa yis/ /mnyam par mi 'jug
78b4 don la sgom mi byed/ /dbang po dngos grub mi len bcos su med/ /kun byed rgyal po nyid la gus par gnas/ /kye ston pa kun byed rgyal po nga nyid ni/ /rang 'byung sgom du med pa'i snying po ste/ /ye shes gsal la bsgrub pa med pa yin/ /
78b5 dbang ni rtogs pas re dogs bcad pa yin/ /'di la nges par 'jug pa'i rnal 'byor pas/ /shin tu rnal 'byor rgyu 'bras 'das pa'i lung / /ma bcos ye shes kun byed rgyal po la/ /gang ltar 'di ltar 'jog ces lung mi ston/ /snga bar ma
78b6 gsungs phyis kyang mi gsung zhing / /da ltar byung bar gsung bar mi mdzad do/ /kye ston pa'i ngo bo kun byed rgyal po yis/ /bsgom zhing bsam du med pa'i chos nyid la/ /ma bsams yal bar gnas pas 'khor ba nyid/ /btsal zhing bsgoms
78b7 pas rtog pa'i mtshan ma'i lam/ /de bas re dogs bcas pa'i ting 'dzin ni/ /gnas pas grol bar kun byed lung mi ston/ /kye ston pa'i ston pa kun byed rgyal po yis/ /rtogs pas gnyi ga'i 'ching ba rab bcad nas/ /mi 'gal mnyam pa'i
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po