| e-texts navigator |
| བོད་ཡིག |
78a1 gsung la 'dus/ /de yang kun byed rgyal pos bkod pa yin/ /kye ston pa'i ston pa kun byed rgyal po yis/ /snying po rig pa'i dkyil 'khor bkod pa ni/ /ji ltar dran rig rtog pa thams cad kun/ /ma skyes kun byed nyid kyi don
78a2 du rig / kun byed nga yi sku gsung thugs nyid ni/ /ma bcos rnal du bzhag pa'i dkyil 'khor gsum/ /ma bkod dus gcig rdzogs pa'i don rtogs pas/ /lhun grub snying po don la 'jug par byed/ /kye sems dpa' rdo rje ji bzhin nyid sgoms
78a3 shig / rang 'byung snying po mchog gi dkyil 'khor la/ /sgo gsum lhug pas ji bzhin ngang bzhag na/ /kun byed nga yi dgongs par gnas pa yin/ /snga rabs 'das pa'i kun byed rgyal pos kyang / /dgongs pa rnal du bzhag pas don rdzogs la/ /
78a4 ma byon dus kyi kun byed rgyal pos kyang / /ma bcos rnal du bzhag pas don rdzogs 'gyur/ /da ltar bzhugs pa'i kun byed rgyal pos kyang / /dgongs pa rnal du bzhag ste gnas pa yin/ /kye sems dpa' rdo rje chen po khyod sgoms shig /nga yi
78a5 'khor du gtogs pa'i rnal 'byor ba/ /kun byed rgyal po'i dgongs pa 'di nyid la/ /ma btsal rnal du bzhag par lung ston cig /dgongs pa rnal du bzhag pa'i don 'di ni/ /kun gyi spyod yul min pas mi shes shing / /mnyam par bzhag pas
78a6 rtogs pa'i yul las 'das/ /kun byed rgyal po de la gnas par byed/ /ces gsungs so/ /byang chub kyi sems kun byed rgyal po las snying po don la gnas pa'i le'u ste bdun cu bzhi pa'o// //de nas byang chub kyi sems kun byed rgyal
78a7 pos rig pa dbang sgyur la gnas pa 'di gsungs so/ /kye sems dpa' rdo rje ji bzhin nyid sgoms shig /rig pa'i rgyal pos gsal bar dbang sgyur nas/ /mtshan ma'i bde ba'i dbang la rag mi lus/ /rtogs nas mi rtog don la ji bzhin zhog /
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po