| e-texts navigator |
| བོད་ཡིག |
77a1 bdun cu gnyis pa'o/ / //de nas byang chub kyi sems kun byed rgyal pos bya med rtsol ba dang bral bar rtogs pa 'di gsungs so/ /kye nga ni kun byed rgyal po ste/ /kun byed rgyal po nga yi dgongs pa ni/ /bsam pa'i yul las 'das pas
77a2 bsgom du med/ /kye sems ni ji bzhin pa yi ngo bo ste/ /ji bzhin pa la 'chos par byed ma myong / /rang 'byung nga la rgyu rkyen kun dang bral/ /sgo gsum btsal med lhug pa nyid du zhog /gang zhig bya rtsol mtshan ma'i rjes 'brangs pa/ /kun byed nga dang phrad
77a3 par mi 'gyur ro/ /kye ston pa'i kun byed nga yi phrin las ni/ /bya ba med pas rtsol ba'i las mi byed/ /dmigs pa med pas bsgom pa'i 'du shes bral/ /'du 'bral med pas ma brjed yid la zhog /byung tshor skye ba med pas gsal 'gyur nas/ /gang
77a4 yang byas pa med par las kun grub/ /kye nga ni ston pa kun byed rgyal po ste/ /rgyal ba kun gyi phrin las ngas byas kyang / /rang 'byung ye shes bya med rdzogs pa'i phyir/ /ji bzhin pa yi las la byed ma myong / /ma btsal ji bzhin nyid du sems dpa'
77a5 zhog / ji bzhin ma bcos rgyal ba'i dgongs pa la/ /sems dang sems las byung ba ci skyes kyang / /de nyid skye med nyid du gnas shes na/ /bya rtsol mtshan ma'i 'du shes kun dang bral/ /kye sems dpa' rdo rje ji bzhin nyid sgoms shig /rtogs pa
77a6 rang sar grol ba'i lta ba la/ /ma yengs rang bzhin bzhag pas bya btsal med/ /kun kyang rang 'byung rang sar grol ba yin/ /kye sems dpa' rdo rje ji bzhin nyid sgoms shig /rang lus mi bcos dbang po mi rtul te/ /ngag kyang mi gdams bya
77a7 rtsol byar yang med/ /sems kyang gar gtad mi g.yo'i ngang la bzhag /bya ba med pa'i phrin las 'di bsgoms pas/ /byas pa med par don kun rdzogs par 'gyur/ /kye ji bzhin rtsol bral bde ba chen po la/ /sgo gsum mi rtsol bcos shing
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po