| e-texts navigator |
| བོད་ཡིག |
76b1 du bsrung ba med/ /rang rig ma nor blo yi tshad ma yis/ /ma bcos snying po'i don la 'jug par byed/ /skye med thugs su chos kun ro gcig pas/ /'jug dang mi 'jug mtha' la nga mi gnas/ /kye sems dpa' rdo rje don la goms par gyis/ /dgongs don
76b2 gsang ba'i rig pa ma shar na/ /tshig dang sgra la 'dzin pa'i goms pa dag /kun byed nga yi lung dang phrad mi 'gyur/ /bsrung du med pa'i dam pa'i dgongs pa 'di/ /kun du ye nas ma bsrungs gnas pa la/ /kun byed nga yi dgongs pa ma goms na/ /ji
76b3 ltar bsrungs pa tshi chad nad du 'gyur/ /kye kun byed nga yi dgongs pa'i dam tshig ni/ /ma yengs dran pas dngos po ye shes su/ /ma bcos sus kyang ma byas rang 'byung ste/ /rig pas dbang bsgyur bsrung dang mi srung med/ /ji ltar snang ba'i chos rnams
76b4 thams cad kun/ /rang 'byung snying por gsal bas dbang bsgyur bas/ /kun byed rgyal pos byas pa'i chos rnams la/ /rig dang ma rig gnyis ka'i yul las 'das/ /kye ston pa'i ston pa kun byed rgyal po yis/ /bsrung dang mi srung yul las 'das pa
76b5 ltar/ /sems dpa' rdo rjes don la goms byas nas/ /nga yi 'khor la de ltar lung ston cig /nga yi 'khor la de ltar lung bstan na/ /bya ba'i 'du shes lam las grol bar 'gyur/ /skye ba med pas kun kyang zhi bar 'gyur/ /kun byed
76b6 rgyal po nga yi thugs su 'gyur/ /kye nga ni kun byed rgyal po byang chub sems/ /nga la sgro dang skur pa'i yul med pas/ /gang la sems par ma byed bsgom ma byed/ /sgo gsum bcos par mi bya lhug par bzhag /gza' dang rgyu skar tshes grangs dus
76b7 tshod med/ /yid la mi byed sngags dang phyag rgya bral/ /de bas kun byed byang chub sems nyid la/ /bsrung dang mi srung sa mtshams med par bshad/ /ces gsungs so/ /byang chub kyi sems kun byed rgyal po las/ lta sgom 'dar med pa'i le'u ste
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po