| e-texts navigator |
| བོད་ཡིག |
76a1 gyi snying po la/ /bsgom dang mi sgom mkha' la rtsod pa 'dra/ /rtogs pa'i don las ma yengs dgongs pa ste/ /dngos po ma yin dngos po med ma yin/ /phyogs min phyogs las 'das pa ma yin par/ /bsgom dang mi sgom phyogs la
76a2 gnas mi byed/ /kye ston pa'i ston pa kun byed rgyal po ngas/ /bsgom dang mi sgom mtshon par mi nus ltar/ /snying po don la gnas pa'i rnal 'byor dang / /sems dpa' rdo rje de la gnas par bya/ /kye dus gsum ston pa kun byed rgyal po yis/ /skye med
76a3 byang chub sems kyi dgongs pa la/ /ming dang tha snyad tshig tu 'di'o zhes/ /ma bstan mi ston bstan par mi mdzad do/ /lta ba bsgom du med par don rtogs na/ /bsgom dang mi sgom res 'jog log pa'i lam/ /dam pa'i dgongs pa skye med thugs chud na/ /
76a4 dam pa de la log dang ma log med/ /kye kun byed rgyal po nga yis lung phog ltar/ /ma bsgoms bsgom du med par rtogs goms nas/ /skal ldan rnal 'byor gang zag su yang rung / /kun byed rgyal po nyid du lung bstan to/ /zhes gsungs so/ /byang
76a5 chub kyi sems kun byed rgyal po las/ lta sgom dbyer med pa'i le'u ste bdun cu gcig pa'o// //de nas byang chub kyi sems kun byed rgyal pos bsrung du med pa de bzhin nyid du gnas pa 'di gsungs so/ /ston pa'i ston pa kun byed rgyal po
76a6 yis/ /rnam rtog mtshan ma'i lam la gnas pa'i bar/ /bsrung dang mi srung khyad par gnyis mthong ba/ /rtsa ba yan lag bcas pa bsrung bar bstan/ /kye kun byed nga ni ye nas de bzhin nyid/ /de bzhin nyid la gzung 'dzin med pa'i phyir/ /chos
76a7 rnams de ltar gang gis rtogs pa la/ /bsrung dang mi srung 'du shes 'jug pa med/ /kye nga ni ma bcos kun byed byang chub sems/ /gnyen po mi bstan yul la 'jug mi byed/ /rang 'byung lhun grub rig pa'i dam tshig la/ /'da' nyams med pas ched
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po