| e-texts navigator |
| བོད་ཡིག |
74a1 dus gsum sangs rgyas khyod kyis byas/ /khams gsum sems can khyod kyis byas/ /rgyud drug lam lnga khyod kyis byas/ /skye bzhi 'gro lnga khyod kyis byas/ /ston pa gsum yang khyod kyis bkod/ /bstan pa gsum yang khyod
74a2 kyis bkod/ /sdud pa gsum yang khyod kyis bkod/ /dus gsum 'khor yang khyod kyis bkod/ /rang 'byung lnga yang khyod las byung / /rgyan gyi rgyu lnga khyod kyis bkod/ /rang bzhin bcu yang khyod kyis bstan/ /kun byed rgyal po byang chub sems/ /
74a3 mdo lung kun gyi ngo bo khyod/ /bstan pa'i me long mun sel sgron/ /'khor gyi mun pa sel mdzad pa/ /khyod ni rgyal ba kun gyi mes/ /rang 'byung thabs mchog kun gyi yab/ /'byung gnas shes rab kun gyi yum/ /spros pa med cing zhi ba med/ /ngag
74a4 las 'das shing snying po med/ /mkha' ltar dag cing spyod yul 'das/ /kun gyis rtogs par bya ba'i yul/ /sgro skur 'das pa chos kyi dbyings/ /thog ma tha ma dbus las 'das/ /'khor lo 'byung gnas snying po can/ /rin chen pad+ma'i snying po ltar/ /yid
74a5 'phrog tshim pa med pa'i sku/ /theg pa'i snying po dag gi rgyan/ /sku gsung thugs la mtshan med de/ /bdag gis rtogs dka'i don rtogs pas/ /rgyal ba kun gyi yang mes po/ /kun byed rgyal po khyod la 'dud/ /ces bstod cing bsgrags so/ /de nas
74a6 byang chub kyi sems kun byed rgyal pos sems dpa' rdo rje la 'di skad ces bsgrags pa mdzad do/ /e ma ho sems dpa' rdo rje'i sku/ /rgyal ba kun gyi'ang sku gsung thugs/ /gsang ba'i mdzod la mnga' brnyes shing / /smra ba'i seng ge bla na med/ /dam pa'i
74a7 gsang ba rtogs pa'i thugs/ /gsang ba rgya mtsho sgrogs pa'i gsung / /yon tan lhun grub rdzogs pa'i sku/ /khyod ni rgyal ba'i sras po ste/ /kun byed rgyal po nga nyid ltar/ /rgyal ba kun gyi mes po gyis/ /sa khams rnams kyi mun sel gyis/ /rnal
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po