| e-texts navigator |
| བོད་ཡིག |
72a1 don/ /kye kun byed rgyal po nga yi spyod pa la/ /mkha' ltar gnas pas grangs dang tshad gzung med/ /gnyis su med pas min yin phyogs las 'das/ /kun byed byang chub sems kyi spyod par rtogs/ /'dod pa lnga yang sems kyi
72a2 spyod par rtogs/ /chags sdang lnga yang sems kyi spyod par rtogs/ /rgyan gyi rgyu lnga sems kyi spyod par rtogs/ /khams gsum srid gsum sems kyi spyod par rtogs/ /skye med ma rtogs pa yi spyod pa ni/ /rgyal ba kun gyi mes po ngas ma bshad/ /kye
72a3 de phyir sems dpa' rdo rje khyod kyis ni/ /kun byed nga yi spyod pa 'di rtogs la/ /blang dor med par kun gyis rtogs pa'i phyir/ /nga yi 'khor gyi nang du lung ston cig /kun byed nga yi spyod pa ma rtogs par/ /sku gsum ston pa'i 'khor la gang zhen pas/ /
72a4 'jig rten log pa'i lta spyod la 'chol nas/ /blang dor med pa'i spyod pa rtogs mi byed/ /kye ston pa'i ston pa kun byed rgyal po yis/ /'khor gyi nang du spyod pa'i lung bstan pa/ /ma chags blang dor med pa'i spyod pa yis/ /thams cad skye med
72a5 mnyam par rtogs lung bstan/ /sems dpa' rdo rjes 'khor la lung bstan pas/ /'khor kyang blang dor med par rtogs par 'gyur/ /'khor dang mya ngan 'das pa'i chos rnams ni/ /skye ba med pa nam mkha'i rang bzhin ltar/ /nga dang khyod kyis
72a6 rtogs pa ji lta bar/ /khyod kyis 'khor gyi nang du lung ston cig /snga bar lung bstan thos pa la brten nas/ /rtogs pas kun byed nyid la gnas par 'gyur/ /zhes gsungs so/ /byang chub kyi sems kun byed rgyal po las spyod pa blang dor med
72a7 par rtogs pa'i le'u ste drug cu drug pa'o/ / //de nas byang chub kyi sems kun byed rgyal pos ye shes rang la sgrib pa med par rtogs pa 'di gsungs so/ /kye ston pa'i ston pa kun byed rgyal po ngas/ /ji ltar 'dul ba'i thabs su bstan
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po