| e-texts navigator |
| བོད་ཡིག |
71a1 pa 'di gsungs so/ /kye sems dpa' rdo rje don 'di legs par rtogs/ /ston pa'i ston pa kun byed rgyal po yis/ /sa la sbyang du med par bstan pa ni/ /kun gyi yul min brtag pa rab tu dka'/ /kye nga las byung ba'i ston pa sku
71a2 gsum gyis/ /dman pa'i rim pa bgrod cing sbyangs pa'i phyir/ /rnam rtog grangs la dga' ba'i gang zag la/ /sa yi rnam grangs bcu dang drug tu bstan/ /bstan pa de bzhin 'khor gyis de ltar rtogs/ /rnam rtog blo yi grangs la snang bar zad/ /kye
71a3 sa drug grangs kyi rang bzhin bstan pa ni/ /kun du 'od dang rdo rje 'dzin pa dang / /rdo rje 'chang dang stug po bkod pa dang / /pad+ma spyan dang rdo rje sems dpa'i sa/ /rim bgrod rnal 'byor don du gsungs pa ste/ /lha dang ting 'dzin khyad par re re gsungs/ /kye
71a4 ston pa kun byed rgyal pos bstan pa/ /ji ltar snang ba'i chos rnams ma lus pa/ /skye med chos kyi dbyings su gcig pa'i phyir/ /sa yi khyad par med de gcig tu rtogs/ /kun byed nga yis lam sbyar na/ /rtog pa'i sa yi rnam grangs kun thob
71a5 kyang / /so so rang gi rnam rtog snang ba las/ /kun byed nga dang phrad par lung mi ston/ /kye kun byed rgyal pos yi rang bzhin ni/ /ma bcos ma sbyangs rig pas lhun rdzogs sa/ /sbyangs shing bgrod kyang don dang mi phrad kyi/ /rang bzhin rtogs pas dus
71a6 gcig rdzogs par byed/ /kye theg gcig kun byed byang chub sems kyis/ /skye med khyab pas rtogs pa'i rang bzhin ni/ /gang ltar bgrod pa nam mkha'i mtha' tshol 'dra/ /ma bgrod rang bzhin bzhag pas grol bar ston/ /kye ston pa'i ston pa kun
71a7 byed rgyal po nga / /sa yi ngo bor nga nyid shar ba'i phyir/ /nga yi sa la mtho dman rim pa med/ /kun byed nga yis 'di rtogs par gyis/ /nga nyid kun gyi mdun du mngon phyung yang / /sku gsum 'khor gyis rnam rtog grangs su rtogs/ /kun byed
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po