| e-texts navigator |
| བོད་ཡིག |
70b1 lam la bgrod du med par rtogs/ /lam lngar snang ba rnam rtog mtshan ma'i grangs/ /nga nyid mtshan ma'i yul las 'das pa'i phyir/ /mtshan ma'i lam gyis bgrod du med par rtogs/ /kye kun byed nga yi lam la rim med de/ /skye med thig le chen
70b2 por gcig pa'i phyir/ /gcig gi rang bzhin rtogs pa de yi phyir/ /lam la bgrod med gcig tu rtogs pa yin/ /kye ston pa'i ston pa kun byed rgyal po nga / /nga la 'jug pa'i rim pa'i lam med de/ /rang 'byung ye shes dus gcig rdzogs pa'i phyir/ /ma
70b3 bgrod rang bzhin bzhag pas phyin par 'gyur/ /de phyir sems dpa' rdo rje khyod nyid kyis/ /nga la rim par bgrod par ma byed cig /kye nga ni mtha' bral nam mkha'i rang bzhin te/ /nam mkha'i mtha' la bgrod cing tshi chad ltar/ /nga yi rang bzhin lam
70b4 gyis bgrod 'dod pa/ /tshi chad nang du de las che ba med/ /de phyir sems dpa' rdo rje rtogs nas kyang / /khyod kyis 'khor gyi nang du lung ston cig /da ltar nga yi rang bzhin lung bstan pas/ /kun kyang nga yi rang bzhin nyid rtogs 'gyur/ /'jig rten
70b5 mtshan ma'i lam la zhen mi 'gyur/ /rnam grangs tshig gi lam la rtsod mi 'gyur/ /ma bcos bder bzhag rtogs pas pha rol phyin/ /kun gyi snying po'i lam dang phrad par 'gyur/ /kye nga ni kun byed chos kyi gzhi ma ste/ /lam lnga sa bcur ston pa'i sku
70b6 gsung yang / /nga yi rang bzhin mngon du bstan pa yin/ /de ltar khyod kyis legs par rtogs par gyis/ /ma bcos bgrod med kun byed kun gyi lam/ /su zhig bgrod pas byang chub don mi rtogs/ /kun byed nga yi rang bzhin rtogs mi 'gyur/ /
70b7 de bas bgrod du med pa'i don la rtogs/ /zhes gsungs so/ /byang chub kyi sems kun byed rgyal po las lam la bgrod du med par rtogs pa'i le'u ste drug cu bzhi pa'o// //de nas byang chub kyi sems kun byed rgyal pos sa la sbyang du med par rtogs
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po