| e-texts navigator |
| བོད་ཡིག |
70a1 gsum gyis ma rtogs pas/ /rang bzhin bcu yi don la bsgribs pa'i phyir/ /kun byed nga yi rang bzhin rtogs pa med/ /kye ston pa'i ston pa kun byed rgyal bo ngas/ /'khor gyi dang po sku gsum ston pa las/ /rang bzhin ma bcos
70a2 ji bzhin lung phog pa/ /mtshan ma'i 'jig rten lha la rten mi 'cha'/ /tshogs la mi rten dbang la rag ma lus/ /skye med rig pa'i dbang la kun rdzogs pas/ /ma btsal bde bar bzhag pas don kun rdzogs/ /kye nga ni ston pa kun byed rgyal po ste/ /
70a3 sku gsum ston pa nga yis bkod pa yin/ /des bstan bcos kyang nga yis bkod pa yin/ /rang nyid rang la dgod pa bya mi dgos/ /kye de ltar kun byed rang bzhin gang rtogs pas/ /thams cad kun byed rang bzhin de rtogs pas/ /kun byed nga yi
70a4 rang bzhin rtogs gyis la/ /mtshan 'dzin zhen pa'i dbang la ma rten cig /ces gsungs so/ /byang chub kyi sems kun byed rgyal po las rang 'byung rtogs pa'i dbang gi le'u ste drug cu gsum pa'o// //de nas byang chub kyi sems kun byed rgyal
70a5 pos lam la bgrod du med par rtogs pa 'di gsungs so/ /kye ston pa'i ston pa kun byed rgyal po yi/ /rang bzhin ma skyes gcig tu gnas pa la/ /skye med mngon du rtogs par dka' ba'i phyir/ /'khor gyi dang po ston pa sku gsum gyis/ /rang rang
70a6 dga' ba'i lam la gzud pa'i phyir/ /lam gyi khyad par bgrod du yod par bstan/ /blo chung brgyud nas don la 'dren pa'i phyir/ /drang ba'i lung du nga yis rtogs pa yin/ /kye tshogs dang sbyor lam mthong lam bsgom pa'i lam/ /mthar phyin rim pa bskal
70a7 pa brgya phrag dang / /tshe gsum bdun sogs dus der 'grub par rtogs/ /de yis nga yi lam 'di rtogs mi 'gyur/ /kye kun byed rgyal po nga yi lam bshad pa/ /nga nyid skye ba med pa'i rang bzhin la/ /'jug dang mi 'jug tshig las shin tu 'das/ /de phyir
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po