| e-texts navigator |
| བོད་ཡིག |
6a1 de bzhin nyid ni thams cad la/ /kun la chub ste khyab par gnas/ /des na chub ces bya bar bshad/ /sems kyi don ni 'di lta ste/ /snying po rang 'byung ye shes des/ /snang srid snod bcud thams cad la/ /'jug cing dbang sgyur
6a2 gsal bar gcod/ /des na sems zhes bya bar bshad/ /rgyu rkyen med pa'i snying po des/ /kun la dbang sgyur thams cad byed/ /kye sems dpa' chen po/ /nga yi rang bzhin rtogs gyur na/ /ston pa kun kyang rtogs 'gyur la/ /bstan pa
6a3 kun kyang rtogs par 'gyur/ /'khor gyi bsam pa rig 'gyur la/ /dus gnas kun kyang gcig 'gyur rig /chos rnams thams cad nga yin pas/ /nga yi rang bzhin 'di rig na/ /chos rnams thams cad rig 'gyur bas/ /bya byed rtsol
6a4 sgrub kun las 'das/ /mi rtsol lhun gyis grub par 'gyur/ /zhes gsungs so/ /byang chub kyi sems kun byed rgyal po las nga nyid kyi mtshan bshad pa'i le'u ste bzhi pa'o// //de nas byang chub kyi sems kun byed rgyal pos sems dpa' rdo rje
6a5 la nyid kyi rang bzhin bstan pa'i mdo 'dus pa'i don 'di bstan to/ /kye sems dpa' chen po nyon cig /nga yi rang bzhin 'di lta ste/ /yod ni gcig las med pa ste/ /bstan ni rnam pa gnyis su bstan/ /byung ni theg pa dgu ru byung / /'dus ni
6a6 rdzogs pa chen por 'dus/ /yin ni byang chub sems yin te/ /gnas ni chos nyid dbyings la gnas/ /gsal ni rig pa mkha' la gsal/ /khyab ni snod bcud kun la khyab/ /byung ni snang srid kun du byung / /bstan du mtshan ma'i dngos po
6a7 med/ /mthong du dmigs pa'i yul dang bral/ /shes su tshig tu brjod du med/ /rgyu las ma byung snying po 'di/ /sgros kyis btags pa kun dang bral/ /don 'di nges par rtogs 'dod na/ /dpe ni nam mkha' lta bur brtag /don ni chos nyid skye
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po