| e-texts navigator |
| བོད་ཡིག |
68b1 gis bzlas brjod byar med snying por rtogs/ /sems kyis 'phro 'du sgom dang bral bar rtogs/ /'das dang ma byon da ltar bzhugs pa yang / /phrin las bya med rtogs nas mngon sangs rgyas/ /dus gsum rgyal ba rtogs la rag lus pas/ /sems
68b2 dpa' rdo rje thos nas rtogs par gyis/ /kye nga las byung ba'i ston pa sku gsum gyis/ /zhi rgyas dbang dang drag po'i lung bstan pa/ /rnam rtog mtshan ma grangs la dga' ba la/ /'dul ba'i rtog pa grangs su bstan pa yin/ /kye de phyir kun byed nga yis lung
68b3 bstan pa/ /thos pa'i don la ma nor brtag par byos/ /bya rtsol kun dang bral ba'i phrin las kyis/ /ma byas don kun rdzogs pas rtogs pa 'char/ /kye sems dpa' rdo rje don 'di legs par rtogs/ /snying po bya rtsol med pa'i don rtogs pas/ /bya
68b4 dang mi bya med par don rdzogs pas/ /kun byed rgyal po'i phrin las 'di rtogs shig /kye ston pa'i rgyal po kun byed nga yis ni/ /byas pa thams cad mtshan ma'i lam du bstan/ /bya bral phrin las nges don 'di rtogs pas/ /'gro ba kun byed rgyal
68b5 po nyid du 'gyur/ /snying po bya bral sgo gsum ma nor bas/ /bya rtsol 'das pa'i don la rtogs pa ni/ /dus gsum rgyal ba'i dgongs pa gcig pa'i phyir/ /ma nor lam la rtogs pa nyid mchog yin/ /zhes gsungs so/ /byang chub kyi sems kun byed
68b6 rgyal po las sgo gsum bya ba med par rtogs pa'i le'u ste drug cu gcig pa'o/ / //de nas byang chub kyi sems kun byed rgyal pos dkyil 'khor bskyed du med par rtogs pa 'di gsungs so/ /kye sems dpa' rdo rje don 'di da rtogs shig /nga las
68b7 byung ba'i ston pa sku gsum gyis/ /mtshan ma grangs la dga' ba'i gdul bya la/ /tshogs dang dkyil 'khor bskyed du yod par bstan/ /gang zhig sku gsum lam la brten byas nas/ /mtshan ma grangs kyi sgo nas rtog byed pa/ /bskal pa bye ba brgya
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po