| e-texts navigator |
| བོད་ཡིག |
68a1 dus gsum rgyal ba'i dgongs pa rtogs pa yin/ /gang gis 'di ma rtogs pa'i rnal 'byor pa/ /rang sems snying po'i don dang shin tu 'gal/ /kye kun byed nga yi dam las gang 'das shing / /sku gsum ston pa'i dam la gnas pa
68a2 dag / bskal pa brgya phrag du ma rnams su yang / /snying po'i don dang phrad par shin tu dka'/ /de phyir kun byed nga yi lung thob pas/ /dam tshig bsrung du med par rtogs par byos/ /zhes gsungs so/ /byang chub kyi sems kun byed rgyal po las
68a3 bsrung med dam tshig gi le'u ste drug cu pa'o/ / //de nas byang chub kyi sems kun byed rgyal po des phrin las btsal du med pa 'di gsungs so/ /kye sems dpa' rdo rje legs par rtogs shig /ston pa'i ston pa kun byed rgyal po nga'i/ /rang bzhin
68a4 las byung ston pa sku gsum gyis/ /so so ji ltar 'dul ba'i skur byung nas/ /phrin las btsal bas don dang phrad par rtogs/ /lus kyi las su phyag rgya bca' bar rtogs/ /ngag gis sngags dang bzlas pa byed par rtogs/ /sems kyis 'phro 'du ting
68a5 'dzin bsgom par rtogs/ /sgo gsum yal bar gnas pas grub mi rtogs/ /kye ston pa kun byed nga yi phrin las ni/ /btsal bar bya med phrin las lung bstan pas/ /don dang mi 'gal bsam pa mthar phyung bas/ /phrin las btsal du med
68a6 par khyod kyis rtogs/ /kye ston pa kun byed nga yi phrin las ni/ /bdag don lhun gyis grub pas bya med rtogs/ /gzhan don dbyings su gcig pas btsal med rtogs/ /de ltar khyod kyis nges par rtogs par gyis/ /kye kun byed byang chub sems
68a7 su kun byas pas/ /byang chub sems la bya mi dgos par rtogs/ /ma byas bya bral snying po byang chub la/ /bya dang mi bya tha snyad gang gis gdags/ /kye kun byed rgyal po nga yi phrin las ni/ /lus kyi las su phyag rgya bcar med rtogs/ /ngag
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po