rKTs

e-texts navigator

Volume

Page

67b₁ bsrung du yod pa'i don du rtogs/ /la las sdom dang 'dul khrims dag par rtogs/ /la las rig 'dzin sdom pa dag par rtogs/ /la las grangs dang rtsa ba yan lag rtogs/ /ji ltar brtags kyang rtogs par lung ma bstan/ /kun byed rgyal
67b₂ po'i dam tshig 'di/ /bsrung dang mi srung phyogs ris med par bstan/ /gang gis bsrung dang mi srung med rtogs pa/ /kun byed nga yi dam tshig rtogs pa yin/ /kye ston pa'i ston pa kun byed rgyal po nga / /rtsa ba byang chub sems su kun gcig
67b₃ pas/ /kun kyang snying po'i dam tshig yin pas na/ /bsrung dang mi srung don la 'das par rtogs/ /kye kun byed rgyal po'i lta ba'i dam tshig ni/ /skye med nam mkha' lta bur phyogs 'das pas/ /gang gis de dag legs par rtogs pa
67b₄ de/ /kun byed rgyal po'i dam tshig rtogs pa yin/ /kye ston pa'i ston pa kun byed rgyal po ngas/ /dam tshig bsrung du med par lung bstan pa/ /dam tshig rtsa ba'i rgyud las gang thos pa/ /'dis ni don de legs par rtogs pa yin/ /kye
67b₅ kun byed rgyal pos snga bar lung bstan ltar/ /dus gsum chos nyid 'gyur ba med pa'i phyir/ /kun byed rgyal po nga yi dam tshig ni/ /dus gsum du ni bsrung du med par rtogs/ /kye chos rnams rtsa ba sems su gcig pa ltar/ /dam tshig rtsa ba
67b₆ bsrung du med par gcig / de yang rang sems skye med rtogs pa yin/ /phyal ba dang ni med pa gcig pu dang / /lhun gyis grub pas bsrung ba kun las 'das/ /kun byed rgyal po'i dam tshig rnam grangs te/ /skye ba med par rtogs pa'i rnam
67b₇ grangs yin/ /snying po bsrung du med par don gcig la/ /rtogs dang ma rtogs khyad par la dgongs nas/ /drang dang nges pa gnyis su rnam phye nas/ /bsrung du yod dang med par lung bstan to/ /kye 'dis ni dam tshig bsrung med rtogs pa'i phyir/ /

_{iiif viewer powered by OpenSeadragon}

67a - 68a

Texts on this page