| e-texts navigator |
| བོད་ཡིག |
67a1 kun byed rgyal po ston pa'i lung med na/ /dus gsum sangs rgyas khams gsum sems can dang / /ma skyes lam la lta ba'i rnal 'byor dang / /la dgu lung dgu rgal yang sa bcu yis/ /rang rang dngos po'i don la rtog dpyod pas/ /ma
67a2 skyes snying po'i don la sgrib pa'i phyir/ /rgyu 'bras bral ba'i byang chub snying po 'di/ /kun gyi lta ba'i don 'di rtogs pa med/ /kye de bas ston pa kun byed nga yis kyang / /'khor gyi dang po sems dpa' rdo rje la/ /sku gsum ston pa gsum gyis bshad pa'i
67a3 lung / /de la ma gnas shig par nga lung ston/ /de ltar nges pa'i lung 'di ma bstan na/ /dus gsum rgyal ba kun gyi yang mes po/ /kun byed rgyal po nga yi gdung chad nas/ /kun kyang 'khor ba'i lam la gzhol bar 'gyur/ /kye de phyir sems
67a4 dpa' rdo rje khyod kyis kyang / /lta dang mi blta yul las 'das pa la/ /gang bltas don la rnam rtog mched pa'i phyir/ /rgyu 'bras can gyi lta ba khyod ma rtogs/ /shin tu rnal 'byor mi gnas theg pa la/ /bltas shing brtags pas mthong ba'i don
67a5 'gag pas/ /ma bcos snying po kun byed rang bzhin la/ /bltas pas mthong ba med pa'i don du rtogs/ /kye kun byed rgyal po byang chub sems nga ni/ /chos rnams kun gyi blta ba'i me long ste/ /gsal la rang bzhin med par kun 'char bas/ /
67a6 ma bltas rang bzhin gsal bar lung bstan to/ /ma skyes de bzhin nyid kyi yul nyid la/ /blta ba'i yul med mthong ba chen por rtogs/ /zhes gsungs so/ /byang chub kyi sems kun byed rgyal po las skye ba med pa'i le'u ste nga dgu pa'o// //
67a7 de nas byang chub kyi sems kun byed rgyal pos dam tshig bsrung du med par rtogs pa 'di gsungs so/ /kye ston pa'i ston pa kun byed rgyal po 'di/ /nga las byung ba'i ston pa sku gsum gyis/ /dbang po'i khyad par rim par lung bstan pa/ /kun byed
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po