| e-texts navigator |
| བོད་ཡིག |
55a1 sems spangs pas/ /rang gi rang bzhin bskal par phrad mi 'gyur/ /kye sems dpa' chen po/ /sems kyis ting 'dzin sgom pa ma byed cig /ye shes yul la rtog par ma byed cig /ngag gis 'dzab dang snying po bzla mi dgos/ /lag gis
55a2 'du byed phyag rgya bca' mi dgos/ /sems kyis ting 'dzin 'phro 'du las ma byed/ /ngang la gnas pas g.yos med lhun gyis grub/ /rang bzhin gnas pas sus kyang bcos su med/ /ma btsal ji bzhin pa ru gnas pa des/ /bya ba med pa las kyi mchog
55a3 tu bstan/ /don de rtogs pas las rnams mi byed de/ /las ma byas pas de bzhin nyid du gnas/ /de bzhin nyid la gang zhig su gnas pa/ /de yis ma nor ma bcos 'grub par 'gyur/ /de ni ma nor bzhin ni ma bcos yin/ /nyid ni ma nor
55a4 ngo bo nyid la bya/ /de bzhin nyid las sangs rgyas chos med do/ /zhes gsungs so/ /byang chub kyi sems kun byed rgyal po las phrin las btsal du med pa'i le'u ste zhe bdun pa'o// //de nas byang chub kyi sems kun byed rgyal po des/ chos
55a5 thams cad gzhi ma kun byed nyid yin par zhal gyis bzhes pa 'di gsungs so/ /kye sems dpa' chen po nyon cig /kun byed nga ni kun gyi byang chub sems/ /byang chub sems ni chos kun gzhi ma ste/ /kun byed nga yi rang bzhin rnam gsum las/ /phun
55a6 sum tshogs pa'i dgos pa kun kyang tshang / /rang bzhin gsum ni 'di ltar shes par bya/ /skye ba med dang 'gag pa med pa dang / /mi 'gag skye ba'i cho 'phrul 'byung ba gsum/ /gsum ni phun sum tshogs par bstan pa yin/ /ma skyes skye ba med pa'i rang
55a7 bzhin las/ /chos kyi gzhi ma bstan pa phun sum tshogs/ /ma bsgribs ma bkag pa yi rang bzhin las/ /ston pa gsum gyi rang bzhin phun sum tshogs/ /ma skyes skye ba'i cho 'phrul ngo bo las/ /'khor gyi rang bzhin rnam gsum phun sum tshogs/ /kye
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po